Yasaqya 14:32 - NABUWWA KEE MALIKWA

³² Filistiin rasuk farmo baaha maral maca gacsenno? YALLI Siyon-magaala xiseeh, kay ummattay xukko elle tanihiyya tokkel amaan geeloonum keenih warsenno.

Yasaqya 14:32 Referans Kwoze

Xafanya 3:12

Tokkel too saaku niya akak baxaqteh, kaxxiina xagarat aalle waa maray faxaamah yoo kallacahiyya raaqiseyyo.

Yasaqya 25:4

Baaciteeh yossomme marah reebu kinnito, Dageltaw. Gadaama kaa tabbixe way gabat tu sinni miskintuh reebu kinnito, Dageltaw. Too maray ayro carrissah caaco kee rob qayyaawise, reebissah, ken silaalissa. Xuwaw maleelah umaane kaxxa caacoy xeet taggileh inna le'mmay tu mabahta.

Zakariyya 11:11

Too ayrok wadir too xagni maraaqinna. Taaxige xukkot yan illi yoo wagitak yen. Too mari, aham akah abem, YALLIH amri kinnim abinal yok yeexegen.

Yasaqya 44:28

Kooris deqsita numih giddinaamak, ‹Usuk yi aftok baaxo xiinisele› 'yaanam axce. ‹Anu aba kaak axcem abele. Yarusalaam magaala nammayhaak akah xissinta innah amri aceele. Yallih Qibaadah-Qarih-rakiibo xisele› 'yaanam axce» iyye.

Yasaqya 39:1

Too dabaanal Baabelon-malikiy migaaqah Maroodak-Baldan deqsitahiyya Ciskiyyaahu lakmisak sugeeh, sarra qaffooteh 'yaanam yoobbe. Too waqdi yuktube warkat kee mattaco kaah ruube.

Yasaqya 28:16

YALLAY Mulki le tohuh iyyamaa, «Siyoonul yigirriben xaay limo mangooh, digga le rakiibo yakkehiyya heeyyo. Yoo yaamine num mabadita.

Yasaqya 4:6

Kay nabna ayrok silaalo teetih akkele. Rob kee kaxxa caacayak reebu teetih akkele.

Zakariyya 11:7

Zakariyya iyyeemih, «Tonna leemiik, yasguudoonu waan illit loynah yan num ekkeeh; eddeey edde xukkot yan illit duwah gace. Namma caxxa gabat hee. Too namma caxxak caxxak teenak migaaqah ‹Maqaane› exceeh; aki caxxak kaadu migaaqah ‹Egla› exce. Too illi dacriseh.

Yasaqya 54:11

YALLI iyyaamah, «Biyak le magaalay gadaamittehiyyay, koo cataah aytikuma kok iyya num magennito'mmay, anu innih nammeyhaytô-xisneh koo xiseyyo. Limoh gibdih yan xeetik koo xiseyyo. Akak xisen xeet qaxmeqe-kallat edde haysiteyyooh, rakiibo kok kuclinan bisu le xeetik xiseyyo.

Yasaqya 37:32

Macaay intek, Siyon-qale kee Yarusalaam magaalah addak baatik saaboh raaqe mari anele. Taham YALLAY Nabaamak Nabahiyya keenih le kaxxa kacanuk gexxaamah abele.

Yasaqya 37:9

Assuuriyah malikik migaq Sanceeribik ten. Ta malik, «Masri-malikiy Tirhaaka deqsitaah Kuusuh yaabukehiyya foocat-akak-yan-qaskar, kay qaskarat qeebi abta'gidih tamaate» iyyaanamih xaagi yemeete. Assuuriyah-malik tah yoobbe waqdi, Malik-Ciskiyyaahu fanah qagseh farmo ruube.

Yasaqya 12:6

Siyoonul geytima maraw, qililisa; ruffa 'xica. Israayil doore Dageltay *kudduusuk yanihiyya yan. Ni fanat tanim kaa kinni. Nabna leeh, muxxo lem kaa» 'yaanam axcuk too-ayroora Yallih mari Yallih migaq fayliseleeh, saarisele.

Yasaqya 11:4

Masaakiinah cakkik-yan-cokmi ackumele. Tu-maleelah cakkik-tan-mekla abele. Iyyem akke leh: digaala elle amrise mari diggalsimeleeh umeynit ambaxele.

2 Samuwel 8:10

isi baxay migaaqah Yooram deqsitahiyya kaal ruube. Too baxak iyyeemih, «Naharak, ‹Salaamata kok iyye› kaak inxicaay, sarrak ‹Unkaq kok iyyeh, Hadad-Qederik qeebil teyseemi kok iyye› kaak inxic. A duyyey dahab kee lakqo kee nacaasak bicseenihiyya gabat kaah beyaay, ‹Mattacoh koh ruube› kaak inxic» iyye. Hadad-Qeder mango waqdi Tooqi deqsita malikit qeebi abak suge.

Yasaqya 29:19

Rammita mari, YALLAT kaxxam ruffa axcele. Israayil doore Dageltay kudduusuk yanihiyyat, masaakiina ruffa axcele.

Yasaqya 57:13

Catô-goranah deero abtoonu waytan saaku, ama yalla axcuk taqbuden duyye sin cattay! A duyye caacay duufut beele. Takkay immay reebuh yoo eleelite mari, xagana keenih akah cule baaxol gaceloonuuh, yi qaril yoo aqbudelon» 'yaanam iyyah yan.

Yacedkel 48:35

Inkih tan magaalah gaso affara tattabak xexxaarah sagla alfih mitri akkele. Ta magaalah migaq tahak wadir ‹YALLI-akkel-yani› deqsitele» 'yaanam iyye Yalli.