Yasaqya 13:9 - NABUWWA KEE MALIKWA

⁹ YALLIH ayro amaatele. Toh, Yallih-naqabuy kaxxam gibdi edde yakku waa ayroy racmatta sinnihiyya. Dambi elli haa mari inkih bayeleeh, baad abuuruh raaqele.

Yasaqya 13:9 Referans Kwoze

Malaaki 4:1

«Yoo YALLAY Nabaamak Nabahiyya axceemih: Too ayroy gaba qidu waahiyya gexot tan. Too ayro kaxxiina leela kee uma-taama leela caffayti innah girat carrelon. Too ayro too mari cararra 'yeenih tu keenik maraqta.

Naacum 1:6

YALLIH naqabuk iyyi soolak raaqaah? Kay bagcarray girah innah urtahiyya iyyi yasseede? Kay naqbi kulli marat girah innah ura. Xeet kay foocal bokokah ballaaqe yakke.

Yasaqya 13:6

YALLIH ayro amaatelek, boogisa! Qande le Dagelti baati edde baahu waa ayro xayih.

Naacum 1:2

YALLI isit massoowan faxa mara maqansiisa. Kaa niqbaah, kay yab cina maral cane gacsah. Kay naqabuk tamaate bala keenil obta.

Yasaqya 9:19

YALLAY Nabaamak Nabahiyya bagcarriteemih sabbatah, kay digaala girah innah baaxo inkih carariseeh, ummatta inkih bayseeh; num numul saduh gace.

Yacedkel 13:5

Tiddigille gidaarwa siinih madacrisaanaay; woo gidaarwa nammeyhaak maxisan. Yallih-carbi siinit yakku waa saaku, kalalu siinih mayakkan.

Ayyuqel 1:15

YALLIH cokmih-ayro xayiih; woyyow, woo ayrot takku wayta baati! Nabna le Dagelti too saaku bala ruubele.

Ayyuqel 2:31

YALLIH ayroy sahda akak meysitta kaxxa ayro kinnihiyya tamaateemik naharal, ayro dattooweleeh alsi qisih qabal innah gacele» iyye.

Naacum 1:8

Isi naqboytit kaxxa weeqih duufut ruuba. Kaa niqba mara inkitanuuk bayisah.

Zakariyya 14:1

YALLI cokmi edde abu waa ayro amaatelek ixiga. Too ayro Yarusalaam magaala buubelon. Siinik been duyye siinik foocal kurraasitelon.

Yasaqya 2:12

Macaay inteenik, YALLAY Nabaamak Nabahiyya ayro le. Too ayrot qande leemiiy kaxxiina kee qubbuy intam inkih wacarroysele.

Yasaqya 34:8

Macaay inteenik, YALLI cane edde gacisu waa ayro tan; too saaku YALLI Siyoonuk naqboytiitih suge maral ken taama keenil gacsele.

Yasaqya 63:4

Macaay inteenik, yi marih naqboytit edde digaaleh meqe ayro temeeteh 'yaanamal gaba kaleeh; anu wade marih wakti yemeeteh yan.

Yasaqya 66:17

YALLI iyyaamah, «Isinni taahirroysak, taahiri akak iyyan bustaanih addat Yallih aftok duyye yaqbude marih ellecabo xayih. Oson keenik gudel yan num katayak, ceray-cado kee ikiqyô-cadooy, tonnah kaadu, aaminnaan maaqo yakmen. Sittat finqitelon.

Yacedkel 30:3

Intaamah, ‹Umaane edde takke ayro xayih. YALLIH abto edde tamballayu wayta ayro xayih; baadal tan ummatta gadaama edde tabbaxu waytaah, qamburre baaxo edde buultu wayta ayro xayih.

Ayyuqel 2:1

Baanta ugura. Taahirik tan Siyon Qaleh amook turumba kaayisa. Israayil ummatey, YALLIH cokmih-ayro xayih immay cunxita.

Xafanya 1:15

Too ayro Yalli bagcarritu waa ayrooy, ummat gadaama kee cisab yabbaxu waa ayro. Too ayro baaxo abur edde takku wayta ayrooy, finqi edde yabbaxu waa ayro. Too ayro baaxol data qamburreey gaanibiy kaxxa dite le radele.