Yasaqya 13:7 - NABUWWA KEE MALIKWA

⁷ Too ayro kulli numih gaba axaxiteleeh, kulli numuk niya addigillele.

Yasaqya 13:7 Referans Kwoze

Yacedkel 21:7

‹Macaay akah gomomtaah tu edde toome num akah celtam?› kok iyyan waqdi, keenik intaamah, ‹Tu edde toome num akah ceelam, sarra yamaatu waa uma xaagih sabbata› keenik inxic. Woo xaagi yamaatu waa saaku, afqado keenik cunxoh dub axcele. Gaba keenik axaxitele. Niyâ xiglo ken abbixeleeh, gulub keenik kadiidimitele. Wakti xayyooweh yaniih xayuk akkele. Tahat yabtam yoo YALLAY Mulki lehiyya» iyye.

Naacum 2:10

Nanawe buubeenih! Is baateh, abuuruh raqte! Sinaamak afqado meysih dub inta. Guluuba keenik axaxxah, sinam qande cabteh. Fooci keenik gombod ceela.

Naacum 1:6

YALLIH naqabuk iyyi soolak raaqaah? Kay bagcarray girah innah urtahiyya iyyi yasseede? Kay naqbi kulli marat girah innah ura. Xeet kay foocal bokokah ballaaqe yakke.

Yacedkel 7:17

Kulli numuk ibak gaba keenik taanele.

Yasaqya 19:1

Masri giddinaamak ruuben farmo ah teeti. YALLI qamburreh addat sissikuk Masri fan yamaate. Masri addal yalla 'yeenih aqbuduk sugen coox kee xeetik bicsen duyyeeya kay foocal axaxitele. Masri marak niya addigillele.

Ermiyaas 50:43

Baabelon malik a xaagu geeh, tohuk gexxaamah gaba kaak meysih kafteh matangayya. Kaxxa cunxo kaat raddeh taniih, lacawat tan barrah innah araadaqisa» iyye.

Yasaqya 51:20

Xaylo siinik xagar-boolah kulli gitih addal yannikisseenih, qangalaalat yanin. YALLI keenit aba bagcarrah sabbatah, oflot yibbixen sageerih innah raden.

Yasaqya 37:27

Wokkel dabaaqah suge mari cayla luk masuginnon. Tohuk gexxaamah woo mari wariggiteeh gahangahiteh. Gubbil tooboke qaysoy kaftehiyya yekken. Qari-amol tooboke qaysoy laqaymumtehiyya yekken.

Yoosuwa 2:11

Woh noobbe waqdi meysih afqado nel dub inte. YALLAY sin Dagelta kinnihiyya qaran kee baaxo inkih xiinisam aaxigeh.

Ermiyaas 51:30

Baabelon qaskaray agiirah tenehiyya qeebih gaba marubta. Isi megdebil elle soolak raaqele. Niya keenik addigilleleeh, agbi innah qeebik soolak raaqelon. Cayli keenik boolaatele. Baabelon magaalah culmay birtak bicseeni addigillele. Qarwat gira ruubelon.

Yacedkel 21:12

Bani-adantow, weeqaay, boogis. A seef bical akah yanim, yi mara kee ken abbobti sela'gidiiy qida'gidi. Yi mara kee ken abbobtih qaagitaanam maraaqinnak, boogew inxic; woyyow inxic.

Naacum 2:11

Lubak admoh gexa waqdi, alluwwa qidda haah, molta kee xaylo gablah addal adoobisa. Ken gabla lubak kitiffa hee cadok kibbinta. Nanawê-malik tonnah abak yen. Lubooka edde tan gabla ceelak ten Nanawe a saaku maca geytee? Cayla le lubooka elle adoobittam ceelak ten Nanawe a saaku maca geytee? Lubak kee molta xaylo luk mellekkiy axcuk addal akak gexxam ceelak sugte Nanawe, a saaku maca geytee?