Yasaqya 13:22 - NABUWWA KEE MALIKWA

²² Teetil tan qarwa kee doolat buxaaxil yangula kee wakrih anay qalê-berri innah elle xongolele. Baabeloonut wakti yemeeteh, ahaysa kaxxam masugta» iyye.

Yasaqya 13:22 Referans Kwoze

Ermiyaas 51:33

Macaay inteenik, YALLAY Nabaamak Nabah, Israayil doore Dagelta kinnihiyya iyyeemih, «Baabelon-magaala itqat daro elle yaggilen arac tekkeh tan. Away tet itqat aniyo'mmay, teetit garuq edde yakku waa wakti xayih» iyye.

Yasaqya 35:7

Liiqih sinam cararisak yen daqaarak kulli ikke dora akkele. Bakarbakar luk ten baaxol, mango dori racele. Wakri-dabaaqah sugte baaxol, qayso kee bayreey gorrob aabukele.

Yasaqya 25:2

Magaala huna abte, YALLAW, suge wayteh innal cabte. Gasot maroh tan magaalay naqboytak waaso luk sugte abuuruh cabteh, huna abte. Marin marih kaxxa qarwa duma elle sugte magaala suge wayteh innal cabte. Too magaala tohuk wadir nammeyhaak way maxissimta.

Cabakkuk 2:3

Away koh warisu waam edde takku wayta ayro uxih taniimih sabbatah, uktubay sug. Takkay immay maxeeriiy, too ayro xayuk amaatele. Anu koo ayballayu waam nummah akkele. Raagelem akkaletto'mmay takkem fanah qambaalay sug. Udurra mabtaay, akkele» iyye.

Yasaqya 34:13

Amoytittê-gaso kee gaso-maroh-edde-tan-magaalooli keenan le coox kee sissib aabukeleeh wakarwa kee inin dabaq akkele.

Yasaqya 32:14

Macaay inteenik, malik qari foyya akkele. Mango xongolo elle radak ten magaala abur akkele. Amo xer qariy magaala akak dacrisak sugeenihiyya foyyah raaqele. Too aracal dabookalwa kee laa aloolele.

Yasaqya 43:20

Dubaali yoo assakaxxeleeh, wakri kee inin yi assakaxxiyyat gacele. Yoo akah yassakaxxoonu waanam, bacarih tan baaxo lee abeyyooh, Israayil maray innih dooriteh bakarroyta le baaxooxal daroori abeyyo.

Ermiyaas 9:11

YALLI yok iyyemii, «Yarusalaam yiddigille abur abeyyo. Wakri dabaq tet abeyyo. Yuudâ-magaalooli abuuruy num sinniih lac sinnihiyya abeyyo» 'yaanam iyye.

Ermiyaas 48:16

YALLI kaadu qagseh iyyeemih, «Mooyab marih baati maxeeri; keenil obtu wayta bala xayih.

Miika 1:8

Miika iyyeemih, «Tahamay siinit takku waytahiyyah sabbatah, anu rookat an, siinih qaadah. Siinih qaadaah, rookitam yok elle taaxagoonuh, ibqasih gexeyyooh, qasunuk baaxo meekiteyyo. Goroyyah innah kak axceyyo. Wakrih innah wiq axceyyo.

Yasaqya 14:23

Baabelon magaala inin dabqi abeyyooh, Baabelon elle suge arac xooka abeyyo. Baabelon magaala kullim duufut beya fiyeynat fiyeyyo. Taham intam yoo YALLAY Nabaamak Nabahiyya» 'yaanam iyye.

Yasaqya 34:14

Dubaala kee yanguli dabaq akkele; dabeeli ceelo le ginnitte elle xongolta arac akkele. Bar gexxa alluwwa guubuh elle gacta'gidih wokke amaatele.

Xafanya 2:14

Saqa kee alak alaakulleyta akak inxicca yaanamih dabaq abele. Tiddigille qarwat inin dabaaqah gacele. Inin kulli taagatak kaayele. Kulli qarik afal kuraani kaay antaabbele. Naqboytit, qarwa akak xisen *sariida kalla heenih beelon.