Yasaqya 13:20 - NABUWWA KEE MALIKWA

²⁰ Sahdayti sarrah, dabqih teetil magacaay; sahda elle gace wayta abuuruh raaqele. Gexak yemeete Qarabtoyti siraq teetil maha. Illi le num illi teetil mayayloola.

Yasaqya 13:20 Referans Kwoze

Ermiyaas 51:43

Baabelon-rasih-mandarittet tekkem yable mari hagga iyye. Bakarroytah tan baaxo tekkeh; sahda elle deedalta baaxo tekke. Safarah num tokke magexa.»

Yasaqya 14:23

Baabelon magaala inin dabqi abeyyooh, Baabelon elle suge arac xooka abeyyo. Baabelon magaala kullim duufut beya fiyeynat fiyeyyo. Taham intam yoo YALLAY Nabaamak Nabahiyya» 'yaanam iyye.

Ermiyaas 51:29

YALLI Baabelon rasuh loowe bala teetil oobisu waa saaku baaxo angayyeleeh, dillibitele. Baabelon abur akkeleeh; dabaaqah num teetil magaca.

Ermiyaas 51:25

Qagseh iyyemii, «Baabelon maraw, qalê-gideh gacca 'teenih inkih tan ummat bayisseenih immay a saakuk wadir sin naqboyta kinniyom yok ixiga. Tahak wadir gaba siinil heeyyooh qalê-gidey akah sugteenik foyyah cabba sin heeyyo. Gomboduh gacissa sin heeyyo.

Ermiyaas 50:45

Anu Baabelon marah malse mala yok oobbeya. Baabelon rasul baaham faxam siinih warisu waak, yok ankacisa. Xaylo keenik hirriigisak beyya heenih baaxot qidelon. Ken baaxo ken umaaneh sabbatah bayseyyo.

Ermiyaas 50:39

Tohuk wadir bacarih tan baaxoh alluwwa kee, yangulwa kee inin dabaq akkele. Sahdah tu gactekiiy, wadiriik adok adoh amma 'yaanam dabaaqah teetil magacta.

Ermiyaas 50:21

YALLI Baabelon marih naqboytiitik iyyemii, «Maraatayim kee Fakod marat qeebi aba. Xakaake ken kalaay ken kee ken midir inkih bayisa. Sin amrissam yoo YALLA'mmay, anu siinik akah inxicca exce'nnah aba» keenik iyye.

Ermiyaas 50:13

Yi naqbi teetil oobeleeh; tohuk gexxaamah num dabaaqah teetil magaca. Abuuruh raaqele. Xaqu teetik gaceh gexu waa mari teetit tekkem yabalu waa waqdi, wariggiteleeh, ‹Woyyow! A rasut tekkem umaamak tanih tan!› axcelon.

Ermiyaas 50:3

Qeebi keenit abtu waytam, kilbat le kabuk yamaatu waa mara. Too mari baaxo abuur keenik abelon. Too baaxo tohuk wadir num sinniih lac sinni baaxoh raaqele. Sahda kee alluwwa teetik aarrele» 'yaanam YALLI iyye.

2 Aydaad 17:11

*Filistiin marak tu takkem mattacoh lakqo kee kalah tan duyyeeya kaah bahte. Qarab marak baali tonnah, mattacoh illik malciina alfi kee malcina boolih maruw kee, wadarak kaadu malciina alfi kee malcina boolih dabeela takkem baahen.

Ermiyaas 51:37

Baabelon abuuruy wakarwa elle gactu waytahiyya abeyyo. Yable mari, ‹Ces wonnah, able wanninoy› akak iyyan rasu tet abeyyo. Sahdayti dabaaqah teetil magaca.

Yasaqya 21:1

Yalli, badak garil tan baaxoy sahda dabaaqah elle deedaltahiyyah giddinaamak, ruube farmo ah teeti. Gabbi-qaxak tamaate caacoh innah, bacarih tan baaxoy sinam kaxxam akak meysittahiyyak tu amaatih able.

Ermiyaas 49:33

Caxor bacarih tan baaxoy num sinniih lac sinnihiyyah raaqele. Tohuk wadir sahdayti dabaaqah teetil magaca'mmay, alluwwâ-dabaq akkele. Tahat yabtam yoo YALLA» 'yaanam iyye.

Yasaqya 25:2

Magaala huna abte, YALLAW, suge wayteh innal cabte. Gasot maroh tan magaalay naqboytak waaso luk sugte abuuruh cabteh, huna abte. Marin marih kaxxa qarwa duma elle sugte magaala suge wayteh innal cabte. Too magaala tohuk wadir nammeyhaak way maxissimta.

Yasaqya 34:17

Baaxo keenih kurtu waytam YALLA'mmay, tokkel dabaaqah sugelon. Baaxo kaadu daayiman kenim akkele.