Biblia Todo Logo
Bib sou entènèt

- Piblisite -




Yasaqya 13:19 - NABUWWA KEE MALIKWA

19 Baabelon magaala, baaxooxak inkih qaxah tayse magaala. Tet mari teetit kaxxam yakkale. Takkay immay anu Sodom kee Gomorrak akah abe innah, deerik afah tet koriseyyo.

Gade chapit la Kopi




Yasaqya 13:19
23 Referans Kwoze  

iyyeemih, «Baabelon magaala manxu nabaah! Anu inaytâ-magaalah tet akah xisem, inni qande kee inni caylaay; inni nabna kee inni hayba elle aybulle'gidi»


Waara YALLAY Nabaamak Nabah, Israayil doore Dageltah yanihiyya kinniyooh; inni migaaqal xiibita'mmay, Qammon kee Mooyab deqsita marat duma Sodom kee Gomorra deqsitta namma magaala kee, too namma magaalal suggu 'ye marat tikka 'te baatih innah tan baati keenit abeyyo. Away elle yanin baaxo qasbo elle taabuke booxah raaqeleeh, waaqex elle yaabuke gubbi akkele. Abuuruy way tu elle suge wayta akkele. Yi ummatak carbik saaboh raqtem ken buubeleeh, sarra ken baaxo isinnih haysitelon» 'yaanam iyyah yan.


«Sodom kee Gomorrâ magaalooli akah bayse'nnah, mango mara siinik bayseh. Isin raaqe marak, girak raaqe bocoyti innah, radda balah addak raqten. Hay, toh ubulla hayteenih yol maaduurinniton.


YALLI Baabelon marih qaadak iyyaamah: «Baabelon tintixibbixeh tan! Ummat inkih tet faylisak ten; kulli magaalak fula luk ten. Hay, away teetit tekkeh tanim doolatwal warigga tekkeh tan.


Sodom kee Gomorra kee woo namma magaalah xaqul sugte gaandoodit dumah tikka 'tem Baabeloonut akkele. Tohuk wadir sahda Baabelon magaalal dabaaqah wadiriik magacta. Tahat yabtam yoo YALLA» iyye.


Duma Sodom kee Gomorra kee ken dariifal sugte gaandoodit tekke umaane Edomut akkele. Sahdayti teetil wadiriik magaca. Tahat yabtam yoo YALLA» iyye.


Yalli Baabeloonuh giddinaamak Amóx-Yasaqyal ruube farmo ah teeti.


Away ken ableh anih: faras amot yan maray kulli num nammayhaytô faras gabat lehiyya yamaateh yan. Too waqdi, ‹Baabelon baateh! Oson yalla axcuk aqbuduk sugen duyye baateeh, riira tekkeeh baaxô-bagul qangalaylut tan› 'yaanam iyyen» iyye.


YALLI Baabelon marak iyyemii: «Tibba inxicay dite le aracat ombooqora. Baabelon mari doolatwa abbobtih yanin 'yaanam ahaysa siinik m'iyyan.


Takkeenimik gaabooway ankacisa. Yi qaxat gaca'gidih doore num, Baabelon-magaalat qeebi abeleeh, teetik faxe baati teetit abelem toobbeenih maay sugten? Isin yallah liton xeet kee cooxuk bicsen duyye siinih maay warisse?


« ‹Too malcina-tabanih sanat gaba kalla haa saaku, Baabelon malik kee kay baaxoh mara kee, Baabeloonuh yooboke marih rasuy tikka iyyahiyya inkih bayseyyo. Tonnah tanim keenil akah baahu waam, ken umaane. Tohuk wadir ken baaxo abuuruy num sinniih lac sinnihiyya akkeleeh, daayiman abuuruh raaqele.


Baaxo siinik abuuruh raqqa 'teh saabok salto cabba heele. Qari akak xisan xaahi kinni-way maraaqa. Tahat yabtam yoo YALLA» iyye.


YALLI Baabelon rasuh loowe bala teetil oobisu waa saaku baaxo angayyeleeh, dillibitele. Baabelon abur akkeleeh; dabaaqah num teetil magaca.


Ikriyya hayteh gaba kalla hayta waqdi, intamaa, ‹YALLAW, a arac bayeleeh, rooci leemik tu elle maraqta. Daayiman abuuruy num sinniih lac sinni akkele 'yaanam inta› inxic.


Swiv nou:

Piblisite


Piblisite