Yasaqya 12:4 - NABUWWA KEE MALIKWA

⁴ Yallih mari saare abu waa saaki diggah amaatele. «Ummatey, YALLA saarisa; candu kee fayla kaah aba; YALLAW, axcuk, kaa'lih yaaba. Sahdah addal kaat yaaba. Usuk abe meqe taamaay kay migaq le kaxxa nabna baadal yan marah warisa.

Yasaqya 12:4 Referans Kwoze

1 Aydaad 29:11

Qaran kee baaxol tanim inkih kuumu. Nabna leeh diifu lem kooy; qande kee nasri lem kooy; hayba dibuk lem koo. YALLAW, abbootan lem koo; kulliimik fula leeh daga raaqa dardar koo.

Yasaqya 25:1

YALLAW, yi Goyta kinnito. Litom muxxo le diggah ten. Dumaak elle malisse'nnal, ku diggay dudda lehiyyat, akke-waynuh tanim abte. Toh abaluk koo aynabeyyo; fayla kaadu koh abeyyo.

Ermiyaas 50:2

«Xaagu ummatah inkih warisa: ‹Baabelon qeebit yibbixeenih› inxica. Tah elle yaaxigoonu waan asta uybulluya! Xaaguk tu macabinay ummatah warisa. ‹Baabelon-mari yallah leemiy Marduk migaq akah abaanahiyya luk sugte qande bayteh tan. Oson yallah loonum qaybit radde. Qibaadah bicsen tasaawiriy umâ-yabulih yanihiyyal qaybih tanim baahen› keenik inxica.

Nacmiya 9:5

Leewih yooboke marak Yaasuwa kee Kadmiyal kee Baani kee Casabnaya kee Sereebiya kee Hoodiya kee Sebanya kee Fatacya deqsita num iyyeemih, «Ugutay YALLAY sin Dagelta kinnihiyyay kulli way waarahiyya faylisa» iyyen. Dooqah iyyeenimii, «Kooh taguude fayla sahdayti afat takke faylak nabuk raqta'mmay tohuh, ku migaaqay nabna lehiyya kulli way faylisoonay.

Yasaqya 66:19

Ken fanat asta hee liyo. Garabak teena keenik wadeyyooh, yi migaaqaay yi nabna kee yi qande elle aaxige waan baaxooxay kulli kabu geytintahiyya fan ken ruubeyyo. Ken ruubu waam, Isbaaniyaay Liibiya kee Liidiyah baaxo. Liidiyah mari nagay gaysê-baxa sahdat elli haa inna yaaxige mara kinni. Wohuk kalah ken ruubu waam, Giriik kee Tuubal kee xer baaxoy baddaafal tanihiyya. Oson yi nabna ta marih addal baxxaqiselon.

Yasaqya 33:5

YALLI fayya le aracal yan Dageltaay; nabna lem kaa. Siyon-qalel qadaalat kee cakkik-tan-maqaane heele.

Yasaqya 24:15

Tonna leemiik ayrô-mawqa le kabul yan marak, isin YALLIH nabnat yaaba. Baddi-xaqul yan marak, YALLIH migaq essekexxeya. YALLAY Israayil doore Dagelta kinnihiyya essekexxeya.

Yasaqya 12:1

Too ayro siinik kulli num saare abele. Saareh annah axcetton. «YALLAW, faylise koo liyo. Yoo niqibtom kok eexegeh, darre yot cabtem kok ubleh immay away yoh racmatteh, luk sugte naqabu cabteh. YALLAW, yot niya hayteh tan.

Yasaqya 2:17

Sahdayti kaxxiina kee anaani gaba kaleleeh; Yallih aftok aqbuduk sugen xeet kee coox bayele. Too ayro nabna luk raqtu waytam, dibuk YALLA.

Yasaqya 2:11

Sahdâ-kaxxiina kee anaani gaba edde kalta wakti amaatele. Too ayro nabna luk raqtu waytam, dibuk YALLA.

1 Aydaad 16:8

Saareh iyyeenimii, YALLAH candu gacisay kaak cato esserak kaa fan deerisa. Kay nabna sinaamah warisa; usuk abem sahdah warisa.

Yasaqya 26:8

Ku gitat genxa waqdi, YALLAW, kibaal elle haynam koo, YALLAW. Amo-elle-meqinom koo, YALLAW. Fanxam ku massakaxxa, YALLAW.

Yasaqya 42:12

Xer rasul yan mari YALLA faylisaay kaa yaynabay; YALLA saarisaay kaa yaynabay.

Yasaqya 48:20

Tonna'mmay Baabeloonuk amaanah eweqa; Baabelon marak isillima. Ifricay qililisaay a xaagu kulli ikke iysixxiga. YALLI Yaqkuubuk rade maray kay naqoosah yanihiyya wadem baaxô-maggaraqa fanah gexay warisa.

Malaaki 1:11

Addunyak ayrô-mawqaay ayrô-culma takke baaxol yoo yaynabe mari kibuk yan. Kulli ikkel dooqa aban waqdi, qaydarus qeerisakaay, ceelah yan sadgat abak yoo yaqbuden. Baadal tan ummat yoo taynabe.