Yasaqya 12:3 - NABUWWA KEE MALIKWA

³ Xamcin leey, sillaateh tanik yooqobe num ruffo geya. Yallih wadu geytan waqdi, isin tonnah ruffu axcetton.

Yasaqya 12:3 Referans Kwoze

Ermiyaas 2:13

Macaay inteenik, yi mari namma dambit aseh yan. Yooy banaadantu bakaarak waddaah sila le lee bisu lehiyya cabba heenih lee addal akak salale wayta dorwah dagot gacen. Tah intam yoo YALLA.

Yasaqya 49:10

Mabakaaritaanaay maqululan. Wahari le caacay kee ayrô-dahan ken mabiyaaka. Macaay inteenik, yoo YALLAY ken kicnahiyya foocat gacca 'yeh ken beeyyo; lee le buyyi fan ken beeyyo.

1 Samuwel 2:1

Canna YALLA faylisak inteemih, «Anu rufto akak liyom YALLA. YALLI yoh abe maqaanek gexxaamah qande baaheh, yoo niqibuk suge maral usuuleh. YALLI yoh abe maqaaneh kaxxam ruffu axce.

Yasaqya 41:18

Bakarroytah sugte koomaamik lee darah akah obta innah abeyyo. Goloolak buyyitte darah oobiseyyo. Bacarih sugte baaxo illalta abeyyo. Buyyittek caxitte lee kafinuk sugte baaxol darah oobele.

Yacedkel 47:9

A weeqayti darah elle gexaamal alak alaakulleyta kee kullum mawaytima. A weeqayti Rabe Badih leey badliitah sugte qasbo cabsiisah. Elle gexaamal rooci lem taloole.

Zakariyya 13:1

YALLAY Nabaamak Nabahiyya iyyaamah, «Too ayro Yarusalaam ummat kee Dawuduk rade mari abak suge caraamu kee uma-taamak edde taahirroowoonuh, edde kaqalan buyyi keenih racele.