Yasaqya 11:9 - NABUWWA KEE MALIKWA

⁹ Lee bad akah kibta'nnah, Yalla yaaxige mari inkih tan baaxo kibeleemih sabbatah, Yallih qaley taahirik tanihiyyah amol sahda biyaaku waah meqem bayisu waa num mayana.

Yasaqya 11:9 Referans Kwoze

Cabakkuk 2:14

Bad kibuk akah yan innah, baaxol yan mara kaadu YALLIH nabnah ixxiga duudele.

Yasaqya 52:10

Baadal tan ummatta inkih, YALLI isi gabay taahirik tanit abe taama isinni intit yubleenih; baadal enna 'ya mari, Yalli isi ummatta umaanek wadem aaxigele.

Zakariyya 14:9

Tohuk lakal YALLI, inkih yan baadal malikih anuk, baaxo xiinisele. YALLAK sah yaqbudeenim ane waytam kulli num aaxigele. Kaak sah tu mayaqbudan.

Yasaqya 59:19

Tonnal ayrô-mawqaay ayrô-culmal kulli num kaak meysitele; kay nabnak meysitelon. Haruurugutak ooba weeqih innah amaateleeh, kullim duufut beya caacayih innal amaatele.

Yasaqya 49:6

Tonnal annah yok iyyamaa; «Yi naqasow, Israayilik baatik raaqe marak inkih, luk sugen nabna gacsaanam, ku gabat absiise liyo. Wohuk kalah tayse taamay muxxo leeh giffa lehiyya ku gabat absiise liyo. Baadal inkih tan ummatah ifu kee noori koo abeyyo; Wadoot kee catotta akketto. Toh ku gabat absiiseyyo» yoo doore Dagelti yok iyyah yan.

Yasaqya 45:6

Toh akah aba sabab liyo. Toh macaay intek, addunyak ayrô-mawqaay ayrô-culma takke baaxol yan mari Yalli dibuk yoo kinnim yaaxige'gidiiy, yok sa Yalli ane waam yaaxige'gidi.

Yasaqya 35:9

Lubak kee sahda takme garboh alluwwa woo gitat magexxa. Takkay immay Yalli dambi akah cabe maray wadehiyya too gitat gexele.

Yasaqya 30:26

Alsa ifuh ayroh innah gaceleeh, ayro kaadu ifuh malcina adda dumak lafitta axcele. Malcina ayroh ifuy yesgelleenihiyyah bis aallele. Aham takku waytam, YALLI isi mara abeh yan biyaakak edde qaffoysu waa saaku.

Yasaqya 11:13

Israayil ummatta Yuudah lon kuuxewaynaan kee naqabu cabelon. Yuudâ-mari kaadu Israayil marah kuuxewaynaan kee naqabu bagut maha.

Yasaqya 2:4

Mango doolatwah fanat bica abeleeh; baaxooxal yan tittin-way bicsele. Qeebi edde abak sugen seefwa buqre edde aban biriitah korselon. Qeebi edde abak sugen macaxu caxak luud edde yargiqen gileelah gacselon. Tahak wadir doolatwa gaaduh tittah magexxa; ahaysa qeebi tittat aboonuh masilaacsitan.

Yasaqya 11:8

Cambabbariya awki abeesâ-boodoh amol digreleeh; qunxa-urri afat summi le abeesas xagaamah keenil bahtu waytam mali.

Yasaqya 33:6

Tet doolatah digga akkele. Teetih dacayri akkele. Kas kee ixxiga keenih aceele. Kaxxa acwa akak 'yaanam, YALLA meysitak yassanabbeenimi.

Yasaqya 54:5

Macaay intek, baqli innah koo dacrissam, koo gine Dagelta; YALLAY Nabaamak Nabahiyyah tanim kaa. Koo waddam, Israayil doore Dageltay kudduusuk yanihiyya; inkih tan addunya xiinissam kaa.

Yasaqya 56:7

Siyon qaley taahirik tanihiyya fan sin baaheyyooh, yi migaaqal abtan sadgat siinik oggoleyyo. Dooqa yoo fan elle aban qarih addal ruffa axcetton. Tonna-leemiik, yi qari baadal tan ummat inkih dooqa elle abta qari deqsitele» 'yaanam keenik iyyah yan.

Yasaqya 65:25

Wakri anaqtu waklisele; lubak maaqoh qayso akmele. Awur innah qayso akmele. Hay, abeesa numut m'artaay, dibuk akmelem bullaaqe. Yi qaley taahirik tanil tet amol faxinnaan ikkel biyaakissam mageytinta; ahaysa umaane mayablan» 'yaanam iyya YALLI.

Yasaqya 66:18

«Anu sinam baguh tacsubem kee ken taama digga haa. Taway, baaxol enna 'ta ummatta inkih gaaboysu waa ayro xayih. Oson gaaboowan saaku, yi nabna takke gide ablelon.

Yasaqya 66:20

Baadal tan ummatak sin tooboko inkih, mattacoh yoh baahelon. Gaariiy faarisiiy bakil kee gaalal hayya ken heenih, Yarusalaamal tan yi qaley taahirik tani ken baahelon. Israayil mari taahirik-yan-kafaqat sadgatah daro yi Qibaadah-Qari elle baahan innal, ken baahelon.

Ermiyaas 31:34

Too saakuk wadir, qunxa numuuy kaxxa num, nagay yoo aaxigeleeh; tonna leemiik, faxe num isil xayi num akkiiy isi baaxoh numuk, ‹YALLA nagay ixig› akah iyyam maraqta. Duma aben dambi keenih cabeyyooh; baahen qellatak qafu keenih axceyyo. Qahdih keenih culam tohu. Tahamat yabtam yoo YALLA» iyye.

Yacedkel 34:25

Ken amo amaanah akah xinta'nnah, inni kee ken fanal xagana haysiteyyo. Ken baaxol enna 'ta alluwwa bayseyyo. Tonnal yi illi inkih meysi maleh bacarih tan baaxo kee garboh addal amaanah xiineleh dacrele» iyye.

Yacedkel 47:5

Kaadu koona boolih mitrih gide yimittire. Too waqdi buyyi leek kaxxam yemeggeeh; addat akak gexam maduudiyyo. Giiru akke waytek, kalah elle taban inni maraaqinna.

Daaniyel 11:45

Usuk isi kaxxa sirooqa bad kee taahirik tan qaley qaxmeqehiyyak fanal heele. Ellecabol rabele'mmay, rabak num kaa macata› yok iyye.

Daaniyel 12:4

«Kaadu yok iyyeemih, ‹Daaniyelow, ama kitab alifay ellecabo edde takke wakti fanah alifay asta edde hayis. Mango mari takkeemih maqna yaaxige'gidih, kaxxam taqabelon› iyye.

Hosiqa 2:18

«Too saaku alak alaakulleyti yi mara xage waa'gidih, qahdi heeyyo. Carbi edde abba haan silaacak seef kee gaysê-baxa baaxok ayyaaqeyyo. Yi ummat amaanah xintay 'yaanam axceyyo.

Ayyuqel 3:17

«Too saaku Israayil maraw, anu YALLAY sin Dageltah yani kinniyom yoh aaxigetton. Anu elle anim, Siyon qaley taahirik tani kinnim aaxigetton. Yarusalaam taahirik tan magaala akkeleeh; afak temeete qaskarih gabat maradda.

Yasaqya 32:16

Qadaalat kee cakkik tan maqaane inkih tan baaxol gacele.

Ermiyaas 31:23

Kaadu YALLAY Nabaamak Nabah, Israayil doore Dagelta kinnihiyya yok iyyeemih: «A mara seewah elle abbaxuk sugen baaxok gacisu waa saaku, Yuudâ-rasu kee Yuudâ-magaaloolil yan mari ah ablele. Too waqdi, ‹Siyon-qaley taahirik tanit YALLI barkat haay. Cakkik-tan-maqaane le Dagelta elle yan aracat YALLI barkat haay› 'yaanam dooqah axcelon.

Zakariyya 8:3

Yarusalaam yi magaalay taahirik taniiy; ahaysa kalbi tet fan gacseyyo. Innih teetil gaceyyo. Ahaysa Yarusalaam Imaan-Yallal-le-Magaala deqsitele. Anu YALLAY Nabaamak Naba; yi qale taahirik tan qale akkele.