Yasaqya 11:4 - NABUWWA KEE MALIKWA

⁴ Masaakiinah cakkik-yan-cokmi ackumele. Tu-maleelah cakkik-tan-mekla abele. Iyyem akke leh: digaala elle amrise mari diggalsimeleeh umeynit ambaxele.

Yasaqya 11:4 Referans Kwoze

Malaaki 4:6

Anu innih amma exceh baaxo siinik bayse waa'gidih, nabi Eliyyas amma 'yeh wiilih sugte xaleena kee xaylo fan bicsele» iyye.

Yasaqya 61:1

Masaakiinah yayse-xaagu warsa'gidih YALLAY Mulki le yoo dooreh isi Roocaaniyya yot hee. Tonna luk niya akak tiddigille mara niya haa'gidiiy seewah been marak curri aba'gidiiy casbit yan mara casbik ayyaaquuy YALLI yoo dooreeh farmoh yoo ruube.

Ermiyaas 33:15

Too waktil, Dawuduk rade marak cakki gita gexa numuy Dawud-Luddal muggaaqisaanahiyya ruubeyyo. Too num cakkih tanim abaah, qadaalatat taamita malikih heeyyo.

Yasaqya 30:33

Assuuriyah malikih raysi edde carara'gidih, kaxxa gira dumaak bical sugte. Ta arac, kaxxa adda leeh baar le araca. Mango boco sittin bagul akak heen araca. YALLI isi ufuy urta *danih innah habug iyyahiyya too bocot ruubele.

Yasaqya 9:7

Kay abbootan osak oseleeh, ambaxe sinni amaan gacele. Dawud korsil gaceleeh, kay baaxol ellecaboh ayro fanah dardaarah anuk, qadli kee cakkih yan gitat xiinisele. Taham YALLAY Nabaamak Nabahiyya isi mara yaysiiseemih fayxi kee, keenih le kaxxa kacanuk akkele.

Yasaqya 32:1

Ayrok teena cakkik tanim aba malik reedele. Too dabaanal abbobtih gacu waa mari qadli le mara akkelon.

Yasaqya 29:19

Rammita mari, YALLAT kaxxam ruffa axcele. Israayil doore Dageltay kudduusuk yanihiyyat, masaakiina ruffa axcele.

Yasaqya 16:5

Tohuk lakal Dawuduk rade marak numuk teeni malik akkele. Usuk ummatta digga kee kacanut xiinisele. Cakkik tanim sissikuk abeleeh, qadlih taamitaanam kee taamite waanam cubbusele.

Xafanya 2:3

YALLI aba iyyem abaah, kaal kibaal haa maraw, YALLA aqbuda. Cakkik tanim abaay, YALLAH uqunxuya. Toh abteenik, YALLI bagcarrita saaku digaalak cattintaanam takkeh.

Ermiyaas 5:28

Gabul akah loonuuh akah aroodaanam tohu. Ken umaane caddo cabteh. Qayxiixah, le cakki mayacaanaay xukkot yan marah qadaalatal mayackuman.

Yasaqya 3:14

YALLI isi marak idoola kee abbobtih yan maral cokmi abele. Keenik iyyu waamah: «Yi baaxoy qinab xala coox elle aabakuk sugehiyya bayissen. Buxaaxi siinik masaakiinak beyten duyyek kibut tan.

Yasaqya 1:17

Meqem abtaanam barita. Qadlih tanim aba. Sahda maskintut xukkutte kala. Qayxiixah cakki qayxiixah ixiga. Gubuunuh cato tika» siinik iyya iyye.

2 Samuwel 8:15

Tonnal Dawud inkih yan Israayil rasuk amoyta yekkeeh, abbah akak yan mara inkih cakki kee qadaalatat xiinisak suge.

Yasaqya 13:11

Yalli annah iyye. «Ken umaaneh sabbatah, baadal bala oobiseyyooh; umaanet asa mara ken umaanek gexxaamah digaaleyyo. Kaxxam isit yakkale mara ayqunxeeyyo; racmatta-maleelay anaani lehiyya ramma heeyyo.

Yasaqya 14:30

YALLI isi marak masaakiinah yan marah, elle yaffoofen baaxo aceeleeh, amaanah xiinelon. Takkay immay YALLI, Filistiin maraw, siinil kaxxa qulul ruubeleeh, takkeenimiik too qululut ambaxetton.

Yasaqya 26:6

Xukkot suge marih itqah tan; tu maleela kee masaakiina itqa kee gitah tet haysiten.

Yasaqya 30:28

Kay ufuy kaxxa weeqay kullim duufut beyahiyyah bis le. Baadal tan doolatwa yaqiyyireh, finqa ken abele. Baadal tan ummatta badseleeh, santiitat hayya ken heeh makot ken beele.

Yasaqya 30:31

YALLI isi cayla Assuuriyah mara yayballayu waa saaku, kaxxa xongoloh xongoleleeh; too xongolo yaabben waqdi, Assuuriyah-maray sin aatakuk suge birti inna le caxxat amuttukele.

Yasaqya 32:7

Xuwaw sinni anaani-leela umaanet assa. Tu maleela edde baysan dirab kee masaakiina cakki edde waysiisan malat gacan.

Yasaqya 33:22

YALLI ni cokmaabe; madqa isih neh yayyaaqe. Ni malik kaa; nee waddu waytam kaa.

Yasaqya 40:7

YALLI caaco ruuba waqdi, qayso laqaymumtah kafta; qobor kafah baaxol rada. Sahdayti tohuk mayaysaay; too gideey tohuk mayaysa.

Yasaqya 49:2

Yi-afak yawqe qangor inkih, gileh innah af bahsiise; isi gabat yoo dacrise; arbaqen (samlisen) gaysê-baxi innah, yoo samliseh, af bahsiise; sibah addat yoo dacrise.

Yasaqya 2:4

Mango doolatwah fanat bica abeleeh; baaxooxal yan tittin-way bicsele. Qeebi edde abak sugen seefwa buqre edde aban biriitah korselon. Qeebi edde abak sugen macaxu caxak luud edde yargiqen gileelah gacselon. Tahak wadir doolatwa gaaduh tittah magexxa; ahaysa qeebi tittat aboonuh masilaacsitan.

Hosiqa 6:5

Inni nabuwway farmo gabat le sin fanah ruubeeh, uma cokmi kee baati siinit akkelem siinih akah warsem tohu. Anu siinik faxam qellu lem hinna.