Yasaqya 10:29 - NABUWWA KEE MALIKWA

²⁹ Qaleelak tabeena tatreenih gexeeniih; «Bar xiinih Gabaq deqsita arac orbenno» iyyan. Raamâ-magaalal suge mari wariggiteeh; Malik-Saawul-magaalay Gibqa deqsittal suge mari kude.

Yasaqya 10:29 Referans Kwoze

1 Samuwel 13:23

Filistiin-mari Mikmas deqsitta daaba qallalle ruuben.

1 Samuwel 7:17

Tokkeek Raamal tan isi buxa fan adaaruk yen. Tokkel kaadu titta wee marih fan mekelak yen. Raamal YALLAH sadgat elle aban arac bicse.

1 Samuwel 11:4

Tohuk lakal farmoh sinam ruubeeniih; woo mari, Gibqâ-magaalay Saawul elle yanihiyya fan yemeeteenih, woo xaagu sinaamah warsen. Too xaagu yoobben waqdi, ummatta inkih kaxxam boogisseh.

Yoosuwa 21:17

Benyam kedok affara magaala keenih yeceen. Toh maa affara magaalaay itteenikii, Gibqon kee Gabaq kee Qanatot kee Qalmon deqsitta magaalooli kee tet dariifal tan lacti malaalah baaxo keenih yeceen.

Hosiqa 10:9

YALLI iyyeemih, «Israayil mari, Gibqa deqsita aracal dambit ase ayrok wadir, dambi abittok way maadayinnon. Tonna leemiik Gibqal qeebi ken abbixele.

Hosiqa 9:9

Gibqa deqsita rasul akah abak sugga iyyen innah, umaanet badih innah sutta 'ten. Yalli isin aben dambi uxih digga haah, uxih mahawweeninnaay, sin dambih sin digaalele» iyye.

Hosiqa 5:8

Hosiqa kaadu qagseh iyyeemih, «Gibqal baanta ugura! Raamal turumba kaayisa! Beet-Awen deqsita aracal qeebih tirtirisa! Benyam maraw, qeebih ittikiya!

Ermiyaas 31:15

YALLI kaadu qagseh iyyemii, «Raamâ-rasuk anay yol rada; kaxxa weeqa akkih aabbe. Raacel isi xayloh weqtah tan; xaylo teetik tembexeh. Tibba 'xic teetik iyyaanamah, weeqa cabtu cinteh.

1 Malikwa 15:23

Tohuk kalah kaadu, Aasa abeemik kay agiiranna kee, usuk maro edde hee magaalooliiy, kay aydaad inkih Yuudâ-Malikwah-Aydaada deqsita kitaabih addal tan. Sarrak idoolite saaku ibak kaxxa biyaakah biyaakiteeh ellecabol yangayyem gidibuk kaal ten.

1 Samuwel 15:34

Sarrak Samuwel Raama fan gexe. Malik-Saawul Gibqal tan isi buxa fan yuduure.

1 Samuwel 14:4

Yonaatan Filistiin mara fan gexe waqdi, gitah akak gace daabal namma boolo sugte. Woo namma boolok, boolok teena akak tenem gitak a exxal teneeh, boolok teena aki exxal ten. Woo boolok tiyak teena Boxex deqsitak ten; aki boolooy Sene deqsitak ten.

1 Samuwel 13:16

Sarrak Saawul kee kay baxa Yonaatan kee ken mara Benyam baaxok Gabaq deqsita aracal yinfiddigen. Filistiin-mariiy elle yinfiddigem Mikmas deqsita aracak ten.

1 Samuwel 13:2

Saawul Israayilik sidiica alfih num dooreeh; woo sidiica alfik namma alfih num Beetal deqsitta baaxoy mango qaleela lek Mikmas deqsita aracal is lih raaqise. Alfi num kaadu Benyam rasul ten Gibqa deqsitta magaala fan isi baxay migaaqah Yonaatan deqsitahiyya lih ruube. Raqqa 'ye mara buxah ruube.

1 Samuwel 10:26

Sarrak Saawul Gibqa deqsita magaalal tan isi buxa fan yuduure. Too waqdi cayla leelah yan maray Yalli Saawul cataanamih fayxi edde heehiyya kaa'lih gexe.

1 Samuwel 14:2

Kay abba woo saaku Migroon deqsita aracal rummaantô caxah gubal yinfiddigeh yen. Migroon deqsita arac Gibqâ-magaala kaxxam xeeruk mananna. Saawul lih laca boolih num yen.

1 Samuwel 14:5

Tiyak teena akak taban gitak kilbat le kabuk teneeh, Mikmasak foocah raaqak ten. Aki boolooy gabbi qaxat Gabaq deqsitta magaalat foocah raaqak ten.