Yasaqya 1:5 - NABUWWA KEE MALIKWA

⁵ Yalli faxe waamak macah aade waytan? Uxih digaalak macayyinnitoonuu? Moyya siinik uxih bakaq leeh; afqado kee misinkaca ahaydumah siinik muurinna.

Yasaqya 1:5 Referans Kwoze

Yacedkel 24:13

Yarusalaamey, atu abte caraami nadaasa koo abe. Taahirik koo haam faxeh immay nadaasak taduuru cinteh. Ahaysa yi naqbi le'nna able'kal, nadaasak mataahirrowta.

Ermiyaas 5:3

YALLAW, atu faxxam, yaaminen maray atu faxxaamak amot tu hee waahiyya. Ken biyaakisseh immay tuh maballon; digaala keenil oobisseh immay kas akak magennon. Yab yaabbeeh dambik yaduure mara hinnon; afqado keenik xeet tekke.

Yasaqya 31:6

Israayil maraw, YALLAL uduura. YALLAT darre cabteenih taniinik, YALLAL uduura.

Ermiyaas 5:31

Toh macaay inteenik, nabuwwa diraabak sa nummat yaabe waytam tibbixe. Seeka nabuwwa aba intem abta. Yi mari tohum yableh immay akak iyyam mali! Hay meqehik, ellecaboh ayroy kullim gaba edde kalta maca abetton?» 'yaanam siinik iyye.

Ermiyaas 9:3

YALLI iyyemii, «Diraabak sah nummat mayaaban; Maqarah loonum, diraaba. Nummak yaaxigeenim malon. Yi mari umaane umaanê-lakal aban; anu ken Dagelta kinniyom yok mayaaxigan» iyye.

Ermiyaas 2:30

Duma sin mara digaaleh immay too digaalat maaduurinnon. Umaanek sin gacsam faxeh immay taduuroonu cinteenih. Sin fan ruube nabuwwal, qansaritta lubooka tekkeeniih seefit sella ken hayten.

Nacmiya 9:34

Ni kaxxa abbobtiiy, ni malikwaay ni saqolti kee seeka ku xinto intam abak masuginna. Atu ken elle amrissam kee atu keenih abta garci-kalootut baaqid luk manannon.

Ermiyaas 5:5

Tohuk lakal «Idoolal keenik gexeyyooh, ken idoola lih yaabeyyo. Too mari YALLIH gita yaaxigeeh, Yalli iyyem yaaxige maraay; keenil gexeyyo» 'yaanam inni bagul ucsube. Takkay immay oson kaadu yakkeenimik inkih, Yallih yab cine maray Yallak yexxeerehiyyak sugen.

Yasaqya 33:24

Too saaku ni marih addat biyaakita num mageytima. Wokkel woo saaku dabaaqah sugu waa marih dambik Yalli qafu abele.

Yasaqya 9:21

Manasse kee Efrayim mari qeebi tittat abeenih, tonnah kaadu, titta lih gacca 'yeenih Yuudâ-marat qeebi aben. Tohuh, Yallih naqbi maxamcaay, ken edde digaaluh ruube gaba wadir magacsa.

Yasaqya 9:13

Yallih-marah tu gactek, dambik matoobitinna. YALLAY Nabaamak Nabahiyya ken digaaleh immay, tohuh kaal maaduurinnon.

Yasaqya 1:23

Ku addal abbobtih yan mari qamallitte yekkeeniih, siftâ-kataysiisih yanin. Oson kulli way guqul yakmeeniih, cokmi-aracal qayxiixah le cakki mayaaxigaanaay; gubuunut tekkeemih adda mawagtan.

2 Aydaad 28:22

Too saaku too gadaamah addat anuk, YALLA kassa mahannaay; umaane kaak dumak lafitteh.

2 Malikwa 1:13

Malik kaadu qagseh qaskar abba kee kontom num ruube. Woo num woo koomaytu yewqe waqdi, Eliyyasak foocal gulubuh rade. Too waqdi iyyemii, «Yallih numow, yoo kee yi marah racmatay, nee maqidin.

Ermiyaas 13:23

Data num le bisu korsam mabicta. Kabqî-xagaral tan baraabarwa kattam bicta? Mabicta. Tonnah hay, siiniy umam abitto bartehiyya meqem abu maduuda.

Ermiyaas 17:9

«Kulliimik muxxi mako kee duquurisiyya lem, sahdayti-afqado. Toomeh taniih; tet adda taaxigem matan.

Ermiyaas 44:15

Nabi Ermiyaas ta yaabih warsiyyak gaba kalla hee waqdi, gennaaqoh agbi akak yaqbuden duyyeh qaydarus ruubam taaxigeh tan labha kee, wokkel gaabooweh suge agabuy manguk yenehiyya kee, Masrik gabbi-qaxat raqta exxal dabaaqah yen Israayil marih agantah kaak iyyeenimih,

Yacedkel 34:4

Boola le numuk amo wagitak masuginniton; biyaakita mara daylisak masuginniton. Mudduume marak dale daylisak masuginniton. Buxak badite mara le buxah gacisak masuginniton; finqite mara gorrisak masuginniton. Aaminnaanim keenil baahak sugten; keenit xukkutak ken xiinissen.

Yacedkel 34:16

«Baatem innih gorriseyyo; buxak baditit tanim innih gacseyyo. Muddumtem innih dayliseyyo; lakmissam innih qaffoyseyyo. Takkay immay gabul leeh qande lem bayseyyo. Macaay inteenik, anu qadlih aninnaanim aba loyna kinniyo.