Yasaqya 1:21 - NABUWWA KEE MALIKWA

²¹ Duma Yallal teemene magaala a saaku xiiqareh xiinah caalat bahteh tan. Duma qadli le xintoh xiinak cakki-taamah taamita mari teetil yene'mmay, a saaku biileenit teetil raqte.

Yasaqya 1:21 Referans Kwoze

Zakariyya 8:3

Yarusalaam yi magaalay taahirik taniiy; ahaysa kalbi tet fan gacseyyo. Innih teetil gaceyyo. Ahaysa Yarusalaam Imaan-Yallal-le-Magaala deqsitele. Anu YALLAY Nabaamak Naba; yi qale taahirik tan qale akkele.

Hosiqa 11:12

YALLI kaadu iyyeemih, «Israayil ummat dirab kee ayra yol tecee. Yuudâ mari yi yaabih cinat yanih; yooy digga leeh taahirik yan Dageltah yani cineenih.

Ermiyaas 3:1

YALLI siinik iyyamaa, «Num gennaaqoytay cabehiyyay marin mari elle digibehiyyal wadir elle digbam maay duuda? Toh bictam hinnaay, elle tekke baaxo kinni way nadaasa takke. Isin tonnah kaadu mango kacnoytit haysitteenik sarra, away yol taduureenim faxxan!

Yasaqya 48:2

Tonna'mmay afak, ‹*Kudduusuk tan magaalah mara kinnino› 'yaanamat kaxxam takkalen. ‹Yalli nek, Israayil doore Dageltaay; kay migaq YALLAY Nabaamak Nabahiyya. Kibaal kaal lino› 'yaanam intan. Away siinik axcem ankacisay yok oobbeya.

Yasaqya 5:7

Hay, YALLAY Nabaamak Naba yuysubuke qinab caxa kinnim Israayilik xaylo. YALLI yuysubuke cooxuy, ruffu edde haak yene kinnim Yuudah yoobokeh yan mara. YALLI, meqem aba mara yakkeenim keenik faxak yen. Takkay immay woh makkinnon; sahda qida mara yekken. Cakkik tanim aba mara, yakkeenim keenik faxak yen. Takkay immay woh makkinnon; amot akak gacan mari, «Qadaalat waynah nan» iyyan.

Nacmiya 11:1

Abbobtih yan mari Yarusalaamal nooke. Too saaku, tabna numih addak inki numuy taahirik tan Yarusalaam magaalal dabaaqah gacu waahiyyah saami caxxa qiden. Wohuk raqqa 'ye mari elle suggu 'ye magaaloolil elle raaqe.

2 Aydaad 19:9

Too marah kaadu too taama elle aboonu waan inna warse. Keenik iyyeemih, «A taama abtan waqdi YALLIH meysi xagarat taalleenim faxxintaah, abba haytaanam isinni afqadook qadaalatat abtaanama.

2 Samuwel 8:15

Tonnal Dawud inkih yan Israayil rasuk amoyta yekkeeh, abbah akak yan mara inkih cakki kee qadaalatat xiinisak suge.

Yasaqya 1:22

Yarusalaamey, duma lakqoh innah fula luk sugte'mmay, a saaku foyya tekke. Duma qinabak bicsen maqabih tamu luk tene'mmay, a saaku foyyâ-lee tekke.

Yasaqya 59:3

Diraabat yabtaanaah, kullim dirkih abtaanaah, qabal gabal siinik yan. Toh inkih qellatay isin abtaana.

Yasaqya 59:14

Tonna-leemiik, qadaalat mayanaay; cakkik tan maqaane baaxok teerreh. Numma qado-laqo qellitteeh, amaanat bayeh.

Yasaqya 59:15

Yaaminen mari mayanaay; umaanek waasiminnaan numuk amot gacen. YALLI aham yubleeh, qadaalat ane waam yuble waqdi faxe cineh.

Cabakkuk 1:4

Tohih sabbatah, xinto boolatteh; qadaalat mayana. Yab gitah mekla mari mayanak, umeynit meqe marak fillat gacte» iyye.

Yasaqya 26:10

Dambileelah meqem abta way, tonnal qadli kinnim mabartan. Cakkit-gexah yan marih-baaxol, umam aban; dambi lem baahan. YALLI le misliino kee heebat macubbusan; toh mayaaxigan.