Yasaqya 1:15 - NABUWWA KEE MALIKWA

¹⁵ Dooqah kulli way gaba fayya haytaanamah gaboobi siinik qabalat tutlukeh tani'kkal, siinik moggolaay racmatta le intih sin mabla.

Yasaqya 1:15 Referans Kwoze

Miika 3:4

«YALLAL elle weqtoonu waytan wakti xayih, yemeeteh immay, too saaku YALLI too weeqa siinik moggola. Umâ-yabulih tanim abak sugteeniih, tohuk gexxaamah YALLI abtan dooqa siinik moggolaay darre siinit cabele» siinik axce.

Zakariyya 7:13

Anu ken lih yaabe waqdi, yoo aabbe cineenimih sabbatah, ken dooqa moggoliyyo. Tah intam yoo YALLAY Nabaamak Nabahiyya.

Ermiyaas 14:12

Soom kee dooqa abaanamah yol weeqaanamah, aban weeqa keenik moggola. Sadgatah cado akak carrisan saq qidaanamah, hinnay kaadu, dooqak keenih orobta'gidih daro yeceenimih, yi garil oggol keenik mali. Ken wadam hinnaay, carbi kee qulul kee dalkat ken seleyyo» 'yaanam yok iyye.

1 Malikwa 8:22

Suleeman toh inxicca 'yeh, gaabowwa 'ye mari kaa elle yable ikkel, sadgatah qidan saqa elle cararisan mansaf gariik solla 'yeh, dooqah namma gaba fayya hee.

Yasaqya 58:7

Takmen maaqo qulula mara lih haysita. Qari sinni marah isinni qarih afa faka. Sartanah xagarat haam sinni marah sartan acuya; mare siinih le maral litoonum macinina.

1 Malikwa 8:54

Suleeman ta dooqa abe waqdi, namma gaba qaran fan fayya heeh, YALLAH sadgat elle aban aracak foocal gulubuh gaceh abe. Too dooqak gaba kale waqdi, tokkek ugutta 'yeh,

Yasaqya 8:17

YALLI isi marak is yooqoreh immay anu niyak kaa aamineeh; niya elle liyom kaa.

Qedra 9:5

Sarrak magrib yekkeeh, sadgat edde aban wakti xayyoowe waqdi, Yallah rammitak nadaamah daffeyak elle suge aracak, qanxixe sara xagarat luk, solla exce. Tohuk lakal gulubuh gacca exceh, YALLAY yi Dagelta kinnihiyyal dooqah gaba ruube.

Yasaqya 4:4

YALLI isi qandet ummattal mekleleeh; gira birta akah taahirroysa'nna ken taahirroysele. Yarusalaam-agbi le sakkik tan taamak keenik taahirroyseleeh; Yarusalaamal caxita qabalak tet kaqlisele.

Yasaqya 45:15

Israayil doore Dageltay ken wadehiyyaw, atu nummah is yaaqure Dagelta kinnito!

Yasaqya 58:4

Tohuk kalah kaadu, abtan soom, qeebi kee qamalliinot siinik caba; naqabu kee qeebih sin yecee. Hay, annah yan soomut abtan dooqa oggoleyyom takkaleenii?

Yasaqya 64:7

Dooqa abeh kol yaduure num mayanaay, catoh ku fanah yamaate num mayana. Nek tomboqorreeh nanu abne dambih gabat nee bayisse.

Ermiyaas 4:31

Lacaw edde yemeete barrah xongoloh innah tanim yol radda. Naharsi-baxa xalta barra abta xongoloh bis le xongolo yol radda. Toh Yarusalaam mari abah yan weqweqsinto. Gaba deerih loonuuh, ‹Baati net tekkeh, bayneh nan! Nee selu waa mari mamaatat yan› iyyan».

Ermiyaas 11:11

Tonna leemiik yooy YALLAH yani taway bala keenil ruubu waam naharal ken aysixxigeh ani'mmay, kudaanam faxaanamah mayasillimaanam yaaxigeenimi. Catoh yol weeqaanamah, keenik maabba.

Yacedkel 11:6

A magaalah addal mango mara qiddeeniih; isin qidden marih raysi magaalâ gitittel kibuk yan.

Yacedkel 14:3

«Bani-adantow, ama marih kalbi, gabat bicsen duyyeh qibaadat yufkuneh yaniih; too duyyey dambi lem xalta isinni misinkacal heenih yaniinik, anu tu yoo esseri ken maha.

Yacedkel 39:23

Israayil mara seewah marin baaxo akah beenim, ken umaane kee yol baahen ceele wayto kinnim, gersi baaxoh ummat inkih aaxigele. Anu too waqdi darre keenit cabeeh, ken naqboytit carbil keenik akah tayse'nnah abe. Qeebit raben.

Hosiqa 5:6

Yallih sadgatah illi kee laa qideloonu'mmay, toh tu keenit mahayta. YALLI ken cabeh ikkal, kaa mageyan.