Yasaqya 1:14 - NABUWWA KEE MALIKWA

¹⁴ Alsi edde bile ayroh abtan qiid kee tangoorowen ayro abtan qiid siinik baguuk niqibyo. Isin edde assen qiid quuka yol yekkeh; ahak wadir annah tanim ablem maxiqa.

Yasaqya 1:14 Referans Kwoze

Qaamus 5:21

«YALLI iyyamaa, ‹Sanatal abtan qiid siinik inkinnah faxah maan. Diini migaaqal abtan modod yol sakkih yan.

Yasaqya 43:24

Yi sabbatah, sadgat rubtaana'gidih qaydarus xaamah sin maballiyo; saqa yi sadgatah maqiditinnitoonuuy, xayti-qeerisan-suruyuk yoo ruffa mahanniton. Toh hinna'mmay isin abtaanah-tanin-dambi yol quuka yekke. Qellatay edde taniini yol taqabi yekke.

Qaamus 2:13

Tonna leemiik siinit aaqiteyyo. Yi digaalah, qari elle qilsa faras-gaari innah, araadaqisetton.

Yasaqya 61:8

Macaay inteenik, yooy YALLAH yani qadaalat kicna. Cado akak carrisan sadgatak tu cabaanam niqibiyo. Liyoh an diggal inni ummattah galto gacseyyo; baye sinni qahdi ken lih heeyyo.

Yasaqya 7:13

Tohuk gexxaamah Yasaqya kaak iyyeemih, «Malik Dawuduk rade maraw, yok oobbeya! Labhâ-sabri waysissaanam meqem maay takkalen? Hay yi Dageltih sabri waysissaanam maay faxxan?

Malaaki 2:17

Qagseh kaadu keenik iyyeemih, «Yabtan yaabat YALLA taqbisseenih. «Too waqdi ‹Afak nanu YALLA mannal taqbisneeh?› intan. « ‹YALLI umeynit meqe mara yakkaleeh; keenit ruffu iyya› intan. Waqdik teena kaadu, ‹Yallay qadaalat leh akak iyyaanahiyya ankel yani?› intan» iyye.

Zakariyya 11:8

Sidooca duweenay yoo niqba yeneeh; sarra ken faxe cineeh, inki alsih addat wokkek ken xiiriyeh.

Yasaqya 29:1

Yarusalaam-magaalay, kum tekkeh tan! Dawud dabqah elle sugeeh, Yallih sadgat elle aben mansaf elle yan magaalay, sanatat sanat osisaay, abtan qiidittek maadiyina'mmay,

Yasaqya 29:2

isin faxe qiid abtaanamah, Yalli, «Anu a magaala biyaakiseyyo» 'yaanam iyyah yan. «Yarusalaam boogiseleh, rookitele. Sadgat elle aban aracal qabal elle caxita innah, magaalal qabal caxitele.

Yasaqya 66:23

Alsi elle bilinnaanimil aban qiid kee, kulli sabtih aban qiidih, sinam inkih Yarusalaamal yoo taqbude'gidih amaatele» 'yaanam iyya YALLI.

Hosiqa 2:11

Kulli alsih bilooy kulli sabtih diini migaaqal abta qiid kee gersi qiiditte abta farcat ahaysa teetik raaqiseyyo.

Hosiqa 5:7

Oson xalan xaylo ilmu kinnuk, YALLA lih luk sugen xagana makeenih. Tohih sabbatah ken kee oson elle sugen baaxo alsi-bilot bayele» iyye.