Yacedkel 9:8 - NABUWWA KEE MALIKWA

⁸ Qidimih gaba heen waqdi, anu dibuk wokkel sugeeh; too waqdi baaxok bagul gomboh radda exceh deero abe. «YALLAW, Mulki le Dageltaw, Yarusalaamah abta bagcarrat Israayil ummatak raqte saabo seltaa?» exce.

Yacedkel 9:8 Referans Kwoze

Yacedkel 11:13

Anu too farmo keenih warsa waqdi, Falatya baaxol dub iyyeh rabeh. Anu kaadu baaxok bagul gomboh radeeh, «YALLAW, Mulki le Dageltaw, Israayilik raqte saabo inkih selta'nnaa?» axcuk anay fayya haak yaabe.

Yacedkel 4:14

Anu too waqdi, «Aleey, YALLAW, Mulki le Dageltaw, tahamaay akke waytay bas! Anu ahaydumah annah tan nadaasat ase saaku mayyu. Qunxaaneey akke isih rabe saq kee ali qide saqih cado kinni-way okmeh maaxiga. Caraamak tanim okme saaku mayyu, yi Dageltaw» exce.

1 Aydaad 21:16

Dawud YALLIH malaykattuy qaran kee baaxok fanat gabat seef luk soolahiyya yuble. Malaykatti too waqdi Yarusalaam magaala baysam faxak yen. Dawud a malaykattu yuble waqdi, kaa kee Israayil makaabon xagaral *qabuudut gacca 'yeenih baaxok bagul qansa baaxo keenik xagtam fanah gommoh raden.

Yoosuwa 7:6

Too waqdi Yoosuwa abeh yan wariggah sara isik qanxiseeh; YALLIH Qahdih-Sanduguk foocal gommoh rade. Israayil makaabon kaadu toh abteeh; tokkel aben arka yaybulleeni'gidih amol siisa luk magrib tikki 'yam fan gommoh sugen.

Ermiyaas 14:19

Ummatta Yallak inteemih, «YALLAW, Yuudâ-mara inkitanuuk cinah cintee? Siyon-mara tinqibeh edde cabtee? Akak ure wayna biyaakah nee akah biyaktam macaay? Amaan geennom nekkele'mmay, woo amaan mageytiminna. Biyaakak urennom nekkele'mmay, inkinnah akak cunxinna umaane nee tibbixe.

Ermiyaas 14:13

Too waqdi anu excemii, «YALLAW, Mulki le Dageltaw, nabuwwa, ‹Ahak wadir carbi mayanaay qulul mayan. Yalli a baaxo kulli waqdi amaanah xiiniseyyo nek iyyeh qahdi neh cule› axcuk, ummattah warsan» 'yaanam exce.

Ermiyaas 4:10

YALLI toh yoh warse waqdi, anu kaak excemii, «YALLAW, Mulki le Dageltaw, atu a mara aylahisseh tan. Ahaysa amaanah xiine loonu 'yaanam inte'mmay, taway elle able'nnal, gile katlal keenik tanih tan! Tonna leemiik keenil makteh» 'yaanam exce.

Qedra 9:5

Sarrak magrib yekkeeh, sadgat edde aban wakti xayyoowe waqdi, Yallah rammitak nadaamah daffeyak elle suge aracak, qanxixe sara xagarat luk, solla exce. Tohuk lakal gulubuh gacca exceh, YALLAY yi Dagelta kinnihiyyal dooqah gaba ruube.

Yacedkel 7:8

«Away xayi saakih addat yi naqbi siinil oobele. Abba hayten umaaneh sin digaaleyyo. Ama qax-umaane le abtoy edde assa 'teenihiyya siinit macaba.