Yacedkel 7:26 - NABUWWA KEE MALIKWA

²⁶ Balak-bala sin ciggiilele. Naharak toobben xaaguk gaca xaagu sarrak aabbetton. Sarra takku waytam neh warisa axcuk nabuwwat kallacsimetton. Seeka ummatah-warissam mageytaay; idoola ummatak-fayuh-intam mageyta.

Yacedkel 7:26 Referans Kwoze

Ermiyaas 4:20

Naharsi balah lakal gersi bala ciggiltah tan. Inkih yan rasi abuuruh raaqu waah yan. Sirooqa nek, nanu cube'kal nan way, foyya nek aboonu waanah yanin. Goli sara qanxixxisoonu nek waanah yanin.

Miika 3:6

YALLI, hay, too nabuwwak iyyeemih, «Isin toh abta nabuwwak, sin wakti ahaysa xayyooweh. Laqô-bar siinil radele. Ummat yok gitak hoxisseeniih, tohuk gexxaamah tahaysa wacyi siinil mooba. Takku waytam wacyih matablan.

Yacedkel 14:1

Israayil idoolak tu'baxa yakke mari Yallih yab yoo esseraana'gidih, yol yemeeteenih foocal yok daffeen.

Ermiyaas 37:17

Ayrok teena Malik-Xidkiya isi buxa kaa baaha iyyeeh, tokkel dibuk tani'kkel, «YALLAK temeete farmoh maca tan?» kaak iyye. Ermiyaas kaak iyyeemih, «Farmo tanih. Koo Baabelon malikih gabal heelon» kaak iyye.

Ermiyaas 18:18

Too waqdi ta mari iyyeemih, «Ermiyaasak tuk teena abnam nel tan. Nek faxxintaah nel tanim neh warissa seeka taniih, kasloytiitiy fayu neh yacee kaadu linoh. Yallih farmo neh warissaamak kaadu nabuwwa tanik, Ermiyaas tiyak tuk teena innaama. Usuk axcinnaanim aabbe waynaama» iyyen.

Yacedkel 33:31

Yi mari atu keenik intaamih ankacsah kol kobxan; elle daffeyan. Takkay immay atu aba keenik intam maaban. Atu edde yabta yab kicnoonum ceelan. Takkay immay lon inti-xeera macaban.

Yacedkel 8:1

Seewah nee edde been laceyhaytô-sanatak laceyhaytoh alsak konoyhaytoh ayrot, Yuudâ-baaxol yok kaxxih seewah been idoola lih, inni buxah addal malâ daffeynat an waqdi, Mulki le Dageltih qande garcik yol obte.

Yasaqya 47:11

Bala siinil oobele'mmay, too bala isinnik akah kaltan inna mageytan. Masiibat sin abbixele'mmay, faxe sicri siinik mawaasa. Cube waak sugten bala kee qaasir-umaane sin abbixele.

1 Samuwel 3:1

Samuweliy awkah yanihiyya Qeli-gubal anuk, YALLIH taamat yen. Too dabaanal YALLAK tamaate farmo daguk teneeh; kaak ooba wacyi kaadu daguk yen.

Yacedkel 11:2

Too waqdi Yalli yok iyyeemih, «Bani-adantow, uma malah malissaah, a magaalah addal uma fayuh sinam fayissam tama mara» yok iyye.

Yacedkel 12:22

«Bani-adantow, Israayil mari, ‹Warsen wakti tatreeh; akkele iyyeenimik tu makkina› akah iyyam macaay?

Yacedkel 21:7

‹Macaay akah gomomtaah tu edde toome num akah celtam?› kok iyyan waqdi, keenik intaamah, ‹Tu edde toome num akah ceelam, sarra yamaatu waa uma xaagih sabbata› keenik inxic. Woo xaagi yamaatu waa saaku, afqado keenik cunxoh dub axcele. Gaba keenik axaxitele. Niyâ xiglo ken abbixeleeh, gulub keenik kadiidimitele. Wakti xayyooweh yaniih xayuk akkele. Tahat yabtam yoo YALLAY Mulki lehiyya» iyye.

Yacedkel 22:26

Seeka yi xinto intam mabtaay, taahirik tan qibaadah caagid elle aban arooca maxaguran. Caraamak tanim kee calaalak tanim ummatah mawarsan. Sabti ayro maxaguran. Tonna leemik Israayil mari yoo mayassakaxxan.

Malaaki 2:7

Nummâ-gita ummat barsaanam, seekal tan taama. Seeka yoo YALLAY Nabaamak Nabah yanihiyyah fayxi ummat barsaana'gidih, ummat keenil gexxam faxxinta. Seeka yi farmoytiitiy yi farmo ummatah warissa kinnon.

Malaaki 2:9

Yi amri cine mara tekkeeniih, yi mara barissan waqdi, inki intit ken maballitoonuuy; tohuk gexxaamah Israayil marih intit, bura le mara sin abeyyo. Tah intam yoo YALLAY Nabaamak Nabahiyya» keenik iyye.