Yacedkel 7:20 - NABUWWA KEE MALIKWA

²⁰ Duma yan saaku dahab kee lakqo kee luuluk mangom luk sugeenimih sabbatah, tohul kaxxam kaxxiinitak yeneeni'mmay, maca akak abeenih? Sarra woo duyyek yalla axcuk yaqbuden duyye bicsen; ableh-umam akak aben. Tohuk gexxaamah anu too duyye caraamu keenil abeyyo» 'yaanam iyye.

Yacedkel 7:20 Referans Kwoze

Yacedkel 24:21

Israayil marak intaamah, ‹YALLAY Mulki lehiyya siinik iyyaamah: Ama yi Qibaadah-Qarit kaxxam takkaleeniih intih wagittaanam siinit meqeeh, kaa fan gexxaanam kaxxam kicintoonuh immay, yooy YALLAH yani ama qari nadaasa abba heeleeh; too magaalal raqta say xaylo kee lab xaylo siinik seefit ambaxele.

Ermiyaas 7:30

« ‹Macaay inteenik, Yuudâ-mari umâ-yabulih tanim abe. Yoo elle yaqbuden yi Qibaadah-Qaril, umâ-yabulih tan duyyey yi aftok yaqbudeenihiyya heeniih, qari nadaasa yok aben. Tah intam yoo YALLA.

Yacedkel 9:7

YALLI kaadu qagseh keenik iyyeemih, «Hayya hay gaba qida. Qibaadâ-Qari nadaasa aba. Daarat raysak kiba» keenik iyye. Oson too waqdi magaalah addal yan maral qidiyyah gaba heen.

Yasaqya 64:11

Ni Qibaadah-Qariy taahirik yeneeh qax-muquk yeney ni kaxxa abbobti koo elle aqbuduk tenehiyyat gira ruuben. Kicinuk sugga inne arooca inkih abuuruh raqte.

Caggay 2:3

‹A Qibaadah-Qari duma luk suge qax-maqaane kasa num siinit maay yanii? Away ceelam maay tablen? Wagga haytan waqdi tu ceele waam siinit maay celtaa?

Yacedkel 7:22

Yoo elle yaqbuden yi qari nadaasa abah ableemih, tu elle magacsa. Qamalli adda culla 'yeh nadaasa abeh cabaamah tu akak maxca, keenik inxic» yok iyye.

Yacedkel 5:11

«Waara YALLAY Mulki lehiyya kinniyooh, tonna-kinnuk axceemih: gabat bicsen duyye kee caraamak tan taamat, Qibaadâ-Qari yok nadaasa abteeniih; tonna-leemiik anu kaadu darre siinit cabeyyooh; siinih maracmatay siinih maxuwaawa.

Ermiyaas 7:14

Tonna leemiik duma Siilol baahem, ta saaku kaadu, ta yi migaq elle yan yi Qibaadah-Qariy sin kee sin kaxxa abbobtih eceeh, isin kaxxam amo elle meqitoonuhiyyal baaheyyom ixiga.

Qedra 3:12

Takkay immay mango idoolah tan seeka kee Leewih yooboke mara kee gulubwah saqoltiy duma suge Qibaadâ-Qari aaxaguk yeneenihiyya, away nammeyhaak xisaana'gidih rakiibo heenim yublen waqdi, kaxxam weeqen. Raqqa 'ye mari farcih qililise.

2 Aydaad 36:14

Tohuk kalah kaadu, Yuudah abbobti kee seekah abbobti Yalla cinna hayteh, cuggaaneh keenik yan mari edde ase umâ-yabulih-tan-taama inkih kataateeniih, xeet kee cooxuk bicsen duyyeeyah qibaadat gacen. YALLI isih taahir abe Qibaadah-Qari nadaasa aben.

2 Aydaad 2:9

Ta mari, coox-bicsa ku mara luk abele. Xisam faxa qari qax-meqe weeloy nabahiyya aalleleeh; mango coox faxxiimele.

2 Malikwa 21:7

Yallih Qibaadah-Qarih addal woo migaaqah Aseera deqsittaamay yaqbudeenihiyyah astah heeh suge gurmudda hee. Woo ceelo elle heem, YALLI Malik Dawud kee Suleemanak, «Yi qibaada kulli way elle takke'gidih, Israayil taban kee namma kedo elle tan rasuk inkih Yarusalaam addal doore araca» akak iyye aracak ten.

2 Malikwa 21:4

YALLIH Qibaadah-Qarih addal, diini-maleela taqbude sadgat elle aban arooca bicse. Woo sadgat arooca elle bicsem, YALLI duma «Yarusalaamal yi qibaada elle takke'gidih doore» akak iyye aracak ten.

Yacedkel 11:18

Taduuroonu waytan saaku, taaxige gabat bicsen duyyey yaqbudeenihiyya baysetton.

Yacedkel 23:38

Oson aben dambi amahat taadeem hinna. Too saaku yi qariy yoo elle yaqbudeenihiyya nadaasa aben. Anu yoo edde uqbuda exce Sabti ayro xagure waanam baahen.

Makaabon 8:24

Qagseh kaadu keenik iyyeemih, «Anu inki tiya sin esseru waak: ama beyten aytî-dahooba baahay» keenik iyye. Miidiyan-mari Ismaaqilik rade maraay; aytî-dahooba luk yenen.

Makaabon 8:27

Sarrak Gidqoon woo dahabak rikek tan ceelo bicissi heeh isih elle yooboke Qofra deqsitta magaalal hee. Sarrak Israayil mari Yalla cabeeniih woo ceelo yuqbuden. Taham Gidqoon kee kay buxah maral edde radoonu waan ofloh innah tanim tekke.

Yasaqya 30:22

Dahab kee lakqo bagul akak hayten duyyey aqbuduk sugteenihiyya beyya hayteenih, guddaafa elle qidan gurrah baaxot qidettoonuuh, foocak nek kala 'yaanam axcetton.

Yacedkel 16:16

Isi sartanak tu takkem beyya hayteh, isi aroocay qibaada elle abtahiyyat bilqah hayte. Tokkel xiiqareh-xiinah innah, kulli num lih dalwa abte. Tannah tanim takkem faxxiimak mananna.

Yacedkel 16:19

Adda meqe darooy zeyti kee malabay anu koh eceehiyya xeet kee cooxuk bicsen duyyeh sadgata axcuk tecee. Tah intam YALLAY Mulki lehiyya.