Yacedkel 7:2 - NABUWWA KEE MALIKWA

² «Bani-adantow, yoo YALLAY Mulki lehiyya Israayil rasih giddinaamak iyyam ankacis: Ken ellecabo xayih! Inkih tan baaxoh baati edde takku wayta wakti xayyooweh yan» yok iyye.

Yacedkel 7:2 Referans Kwoze

Qaamus 8:2

Too waqdi YALLI yok iyyemii, ‹Maca table?› yok iyye. « ‹Kudaarak kibuk yan kafaq ableh an› 'yaanam exce. «Too waqdi yok iyyeemih: ‹Yi maray Israayilih yoobokehiyyah ellecabo gufteh. Tahaysa ken digaaleyyo ikkal, wadir akak maxca.

Qaamus 8:10

Qaffaydah abak tenen farcatih aftok rookitetton. Saxxaq elle abak tenen ikkel, boogisetton. Dubuk lon baxi akak rabe xaleenah innah boogisettoonuuh, amo isinnik molla hayteenih *qabuudut sartanah gacetton. Too ayroh ellecabo mameqeey, qeero siinit aallele.

Yacedkel 7:3

«Israayil ummatey, sin ellecabo xayih! Abba hayten umaaneh cokmi siinil abeyyooh; liyoh an naqabu yok abletton. Ama qax-umaane le abtoy edde assa 'teenihiyya siinit macaba.

Yacedkel 11:13

Anu too farmo keenih warsa waqdi, Falatya baaxol dub iyyeh rabeh. Anu kaadu baaxok bagul gomboh radeeh, «YALLAW, Mulki le Dageltaw, Israayilik raqte saabo inkih selta'nnaa?» axcuk anay fayya haak yaabe.

Yacedkel 40:2

Yalli isi wacyih Israayil rasu fan yoo beeh, Yarusalaam magaalal tan kaxxa qaleh amol yoo hee. Too qalek gabbi-qaxat magaalah innal xissinte qarwa uble.

Yacedkel 21:2

«Bani-adantow, Yarusalaam ummat qibaada elle abta aroocat takku waytaamat yab. Yoo YALLAY Mulki lehiyya axcem keenih waris; Israayil rasuh garci kal.

Yacedkel 12:22

«Bani-adantow, Israayil mari, ‹Warsen wakti tatreeh; akkele iyyeenimik tu makkina› akah iyyam macaay?

Ermiyaas 51:13

Weeqayti xaqul dabaaqah yaniih mango maalu kee duyye le Baabelon maraw, sin baati xayyowteh; edde rabtan wakti xayyooweh.

Ermiyaas 5:31

Toh macaay inteenik, nabuwwa diraabak sa nummat yaabe waytam tibbixe. Seeka nabuwwa aba intem abta. Yi mari tohum yableh immay akak iyyam mali! Hay meqehik, ellecaboh ayroy kullim gaba edde kalta maca abetton?» 'yaanam siinik iyye.

2 Aydaad 34:7

Inkih tan kilbat le kabut raqta Israayil baaxol sugga 'te duyyeeyah heen sadgatih-aroocak kee, Aseera deqsittaamay yaqbudeenihiyyah astah heenih sugen gurumuuda kee, gabak bicsen duyyey yaqbudeenihiyya bututtukkaay riira abba hee. Too duyyeh qibaadah qaydarus elle qeerisak sugen arooca kaadu riira abe. Tohuk gaba kale waqdi, Yarusalaam magaala fanah yuduure.

Yasaqya 47:7

Kulli waqdi maliká tikka 'teh waarettom tekkeleeh, cubbusak masuginnitooy, digaala kot akkelem kot maceelinna.

Ermiyaas 12:4

Baaxo nek qabaarah kafte. Toobokeh sugte qayso kaffa karacca 'te. Lac yembexeeh, qaraanal haada haadaytih agantah tembexeh. Toh akah tekkem, tet addal yan mari aba uma-taama. Oson kaadu ‹Yalli nanu abnam mayabla› 'yaanam afak iyyan. Ta mara hay, ma waqdi digaaletto?» 'yaanam exce.

Yacedkel 7:1

YALLIH qangara yol obteeh; yok iyyeemih:

Yacedkel 21:4

Seef sibak eyyeqqa heeh, gabbi-qaxak xabba heeh kilbat le kabuh amma 'yaanam fan, uma num kee meqe num tittak meexe'kal bayseyyo.

Yacedkel 21:25

«Uma-taama kee nadaasat baye Israayil abbaw, ellecabol digaala kot edde takku wayta wakti xayyooweh.

Yacedkel 35:5

«Isin dumaak Israayil ummatah qaduwwih sugteeniih; Israayil ummat isih bahte dambih digaala keenil temeete saakuy kaxxa gadaamat sugeenihiyya, isinni le kabuuk ken qidaana'gidih absissen.

Ayyuqel 1:15

YALLIH cokmih-ayro xayiih; woyyow, woo ayrot takku wayta baati! Nabna le Dagelti too saaku bala ruubele.

Yacedkel 21:7

‹Macaay akah gomomtaah tu edde toome num akah celtam?› kok iyyan waqdi, keenik intaamah, ‹Tu edde toome num akah ceelam, sarra yamaatu waa uma xaagih sabbata› keenik inxic. Woo xaagi yamaatu waa saaku, afqado keenik cunxoh dub axcele. Gaba keenik axaxitele. Niyâ xiglo ken abbixeleeh, gulub keenik kadiidimitele. Wakti xayyooweh yaniih xayuk akkele. Tahat yabtam yoo YALLAY Mulki lehiyya» iyye.