Yacedkel 5:6 - NABUWWA KEE MALIKWA

⁶ Takkay immay Yarusalaam mari yi amri cineh, raqqa 'te baaxooxah marak umaaneh lafitaanam isinnik yuybulleenih. Yarusalaam yi amri cinteeh anu aba axcem abe cinteh. Tet dariifal enna 'ta baaxooxah marak yabti cinah lafittam tet kinnim isik tuybulleeh.

Yacedkel 5:6 Referans Kwoze

Ermiyaas 11:10

Ken kaxxa abbobtiy yi amri cintehiyya abak ten dambi, oson kaadu aban. Yalla akke sinni duyyey gabak bicseenihiyya yaqbuden. Israayil kee Yuudah ummat, anu duma ken kaxxa abbobti lih heeh suge qahdi yol makeenih.

Zakariyya 7:11

«Takkay immay yi mari yi yab cineeh, darre yot cabba haak misinkaca isinnik alfeenih.

Ermiyaas 8:5

Hay yi maraw, yok texxeereenim ublehik, yol macah aduure waytan? Isinni gabak abten xeet kee cooxuk bicissen duyyeh qibaadat gacteeniih, yol taduureenim cinteenih.

Yacedkel 16:51

«Samaariyah tu gactek, dambik atu bahteemik garab maabinna. Teetik fula kaxxa dambit assem koo. Koo kee ken abto tittal wagga haan waqdi, oson ku garil tu abe weenih gide.

Ermiyaas 5:3

YALLAW, atu faxxam, yaaminen maray atu faxxaamak amot tu hee waahiyya. Ken biyaakisseh immay tuh maballon; digaala keenil oobisseh immay kas akak magennon. Yab yaabbeeh dambik yaduure mara hinnon; afqado keenik xeet tekke.

2 Malikwa 21:9

Takkay immay Manasse, Yuudâ-mara, duma woo baaxol suge maray YALLI ken taagah woo baaxok yeyyeeqehiyya abak suge dambik lafita dambit ken asise.

2 Malikwa 21:11

«Yuudâ-malikih yan Manasse gacca 'ta taamay Kanqaan mari abeemik kaxxam lafittahiyya abeeh; Yallih-aftok yaqbude duyyet, Yuudâ-mara kaadu Yalla-maleela edde gexxa gitat bee.

Nacmiya 9:34

Ni kaxxa abbobtiiy, ni malikwaay ni saqolti kee seeka ku xinto intam abak masuginna. Atu ken elle amrissam kee atu keenih abta garci-kalootut baaqid luk manannon.

Nacmiya 9:35

Ikoytah keenih tecee kaxxa baaxo xiinak sugen waqdi, koo maqbudinnon. Niqmatak tan baaxol, maqaane luk ken xiinisak sugte'mmay, koo maqbudinnon. Edde yanin dambih abitto cabba heenih kol yaduureenim maabinnon.

Yacedkel 11:12

Too waqdi anu YALLA kinniyooh; isin kaadu cuggaaneh siinik yan marih xinto kee abto katayak yi amri cinteenih, anu siinih hee xinto cabba hayteenim aaxigetton› keenik inxic» yok iyye.

Daaniyel 9:5

Nanu dambi le taamat asneh, mako lem bahne. Umam abneh nan. Koo cinneh, atu nek aba intem abnu cinneeh, gitak taniimiy atu nee tuybulleehiyya maaqilleh.

Daaniyel 9:8

YALLAW, nee kee ni malikwaay ni miracwa kee ni kaxxa abbobti dambi lem kol bahneemih sabbatah, edde nanim wacarriyi.

Daaniyel 9:15

Goytaw, ni Dageltaw! Isi qande ayballuk Masrik nee teyyeeqeemih a saaku fan, ku migaq yaabben migaq yekke'mmay, dambi lem abneeh qellat bahne.