Biblia Todo Logo
Bib sou entènèt

- Piblisite -




Yacedkel 5:10 - NABUWWA KEE MALIKWA

10 Yarusalaamey, anu kot abu waa digaalah, xaleena xayloh-cado akmeleeh; xaylo xaleenah-cado akmele. Too bis le kaxxa digaalah sin digaaleyyooh; wohuk raaqe mara fixixih kulli kabul ruubeyyo.

Gade chapit la Kopi




Yacedkel 5:10
36 Referans Kwoze  

YALLI isi marak iyyaamah, «Duma anu kulli ikke fixixih sin ruubeh suge. Ahaysa Siyon-maray Baabeloonul yanihiyyaw, uguta! Baabelon rasu cabay tokkek kuda» iyye.


Kay taamak abbobtih yen maraay, kaat dacayrih yan mara kee, kay qaskar kulli ikke fixixih ruubeyyo. Ken qidu waa mara kaadu lakat keenik ruubeyyo.


Ken naqboytiitiy ken selam faxxahiyya keenit ruubeyyo. Too mari magaala marot keenik heeleeh, akak yawqen afa mageyan. Tohuk gexxaamah xaleena xaylok cado akmele. Mari marin cado maaqoh keenik akmelem keenih waris› » yok iyye.


Oson abak sugen umaane kee ken qamalal keenil mekle. Ummat addat baxacah ken ruubeeh, aaxige waan marih fanat ken fixixise.


Sidooca exxak, exxak teena magaala edde abbaxuk sugen marok caban saaku, magaalah addal gira edde rub. Nammeyhaytoh af magaalak addal elle gexamgexxaamal seefit irgiggiqay qid. Sidochaytoh af caacayat rub. Tonnal anu seef haysitta heeh woo marah ayraddeyyo.


Kaxxa caacay guddaafa duufut elle beya'nnal, ken baaxok eyyeqqa ken heeh, marin baaxo fan ken iskiliqe. Tonnal a xaqan le baaxo dibuk raqteeh, dibu tekkeeh; a saaku num teetil mayan» kaak iyye.


Israayil mara yanfiyen daroh innah ken anfiyeyyo. Marin marih addat ken fixixise waqdi, ken addak uma mara ayyaaqeyyo.


Ku mara fixixih marin baaxo kee aaxige waan marih addat baxciseyyo. Uma-taama koo cabsiiseyyo.


«Seefik dago mari cattiimeleeh; too mari ummat kee mango baaxooxa fanat fixixele.


Ummatak sidochaytoh af siinik qulul kee dalkah magaalak addal ambaxele. Aki sidooca af kaadu magaalak afal seefit selelon. Raaqe sidooca af kaadu affara kaalibil caacayat ruubeyyo. Sarrak innih seef luk ken ayraddeyyo. Tahat yabtam yoo YALLAY Mulki lehiyya.


Duma ken kee ken kaxxa abbobti able wayteeh aabbe wayte baaxoy oson kaadu ahaydumah aabbe weeniih able weenihiyya fanah ken ruubeyyo. Tokkel aaxige waan marih addal ken fixiixiseyyo. Saabo cabba haanam fanah, ken seltu wayta qaskar keenit ruubeyyo» iyye.


Tohuk kalah bacaril elle anih, ummat addat fixixih ken ruubaamal, aaxige waan marih fanat ken fixixisaamal xiibiteh suge.


YALLI kaadu qagseh iyyemii, «Israayil mari illiy lubak soole kaleeh yayraddehiyya yekken. Naharak Assuuriyah malik cado keenik yokmeeh; sarrak Baabelon malik lafoofi keenik yiggiggile.


Yuudâ-marak isi rasul raaqeeh, sarrak Masri fan gexe maraw, too gexo baatih siinik orbelem ixiga. Nabam kee qunxam siinik Masril rabele. Qulul kee carbit ambaxetton. Yuble mari akak wariggitu waa embexih ambaxetton. Ummat ilaqtaah ces akak inta mara akketton.


Siinit xukkuta mari titta akmeloonuuh; sittak caxen qabala yaaquboonu waan waqdi, kamri yooqobe marih innah askirelon. Too waqdi baadal eneyya 'ya mari, anu YALLA kinniyom aaxigele. Sin wadaah xixxibaanek sin yeyyeeqe Dagelta kinniyom aaxigelon. Yaqkuub-Dageltay cayla le kinniyom aaxigelon.»


Inkih tan baaxol ummatta maaqo tittak bukkusseeh; maaqok geennaan im yakmeeni'mmay tohuh macayyan. Isinni gabah cado kinni way yokmen.


Yallaw, duma Muusak intem kassa heey! ‹Kee Israayil ummatey, imaan yol hee wayteenik, marin marih addat sin fixixiseyyo.


Naharsi saaku yi baxa alasneh nokmeeh. Aki saaku, ‹Ku baxa nakmay› exce waqdi, kaa tooqoreh» inte.


Too waqdi kibuk tan buutitteh innah tittat ken bodsiiseyyo. Tittin gabat ken qidsiiseyyo. Qunxa num kaxxa numut ruubeyyooh, tittin gabat ken qidsiiseyyo. Keenih maracmataay keenih maxuwaawam keenih waris› yok iyye» iyye.


Gaala keenik dannabah beya. Laa keenik dannabah orbisa› kaak exce. Keeniy amô-xagor namma seltak isik yargiqehiyya kulli baaxol fixixih ruubeyyo. Kulli kabuk bala keenil oobiseyyo.


Qeelam rasul affara kaalibik naqboytit caacoh innal ruubeyyo. Teetil yan mari baaxo cabeleeh, marin baaxooxat ken fixixiseyyo.


A carbit kaak mango qaskaray agiirah tanihiyya edde rabele. Rabak raqtem kulli kabul fixixih gexele. Tahat yabtam yoo YALLA kinnim too saaku aaxigelon» iyye.


«Ummat addat ken ruubu waah, aaxige waan marih fanat ken fixixisu waa saaku, YALLA kinniyom yok aaxigelon.


Goytaw, atu kulli way cakkik tanim abta. Neh tu gactek, nanu kulli way qaybih aninnaanim ninnil bahna. Neey Yuudah yooboke mara kee Yarusalaam mara kee, tonnah kaadu, inkih yan Israayil maray xayi'kke kee xer ikkel yanihiyyay ko'luk yen imaan cabeemih sabbatah atu baaxot fixixih rubtehiyyak inkih, qaybit radnam numma.


Swiv nou:

Piblisite


Piblisite