Yacedkel 47:9 - NABUWWA KEE MALIKWA

⁹ A weeqayti darah elle gexaamal alak alaakulleyta kee kullum mawaytima. A weeqayti Rabe Badih leey badliitah sugte qasbo cabsiisah. Elle gexaamal rooci lem taloole.

Yacedkel 47:9 Referans Kwoze

Yasaqya 55:1

YALLI iyyaamah, «Kee, bakar le maraw, lee akkel tanik, ama. Kee, lakqo sinni maraw, amay gaqambo gee liton; akuma. Amay, qinabak bicsen kamri kee can, limo sinnim gee liton; aquba.

Zakariyya 2:11

Toh takku wayta saaku baadal tan ummat yoo YALLAL aduureleeh, yi mara akkelon. Anu kaadu sin lih aneyyo» iyye. Isin YALLAY Nabaamak Nabahiyya sin fanah yoo ruubem too saaku aaxigetton.

Yasaqya 49:12

Yi ummatta xer rasuk amaatele. Garab kilbat le kabuk amaateleeh, garab ayrô-culma le kabuk amaatele. Garab kaadu gabbi-qaxak Sinim deqsita aracak amaatele» iyye.

Yasaqya 30:26

Alsa ifuh ayroh innah gaceleeh, ayro kaadu ifuh malcina adda dumak lafitta axcele. Malcina ayroh ifuy yesgelleenihiyyah bis aallele. Aham takku waytam, YALLI isi mara abeh yan biyaakak edde qaffoysu waa saaku.

Yasaqya 12:3

Xamcin leey, sillaateh tanik yooqobe num ruffo geya. Yallih wadu geytan waqdi, isin tonnah ruffu axcetton.