Yacedkel 47:22 - NABUWWA KEE MALIKWA

²² Sin ikoyta akkele. Allî-baaxoh maray sin addal yaniih xaylo sin addal xaleeh qarsitehiyya, tama baaxo kurta saaku, ken akak macabinaay ken afto keenih akak ucuy. Israayilih yooboke marih intit ken ubulaay, baaxo kurta saaku Israayil xaylok kaxxih, baaxol saami caxxa keenih qidaay, ken afto keenih ucuy.

Yacedkel 47:22 Referans Kwoze

Yasaqya 14:1

YALLI Israayil ummattah racmateleeh, isih doorite mara nammeyhaak ken abele. Dabqah elle sugen isinni baaxol gacoonay ken axcele. Aki baaxok yemeete mari wokke ken lih angaleleeh, dabqah ken lih gacele.

Yacedkel 47:21

Ta baaxo Israayil kedoodah kuramkura.

Yacedkel 47:23

Tama marah, addat akak lih yanin kedok kaxxih, isinni afto baaxok geyaanama. Tahat yabtam yoo YALLAY Mulki lehiyya» iyye.

Yacedkel 45:1

Baaxo sahdah kedo kedol kuran saaku, afak teena YALLAH cabaanama. Too baaxoy YALLAH cabaanahiyya xexxaarah taban kee namma kiilomitri kee garab takkeemi. Baguh tabna kiilomitri takkeemi. Too baaxo inkitanuuk saytunuk tan baaxo takkeemi.

Yacedkel 48:29

YALLAY Mulki lehiyya iyyeemih, «Israayil marah ikoytah tantacawwu wayta baaxo elle kurruntu waytam tama'nna» iyye.