Yacedkel 47:16 - NABUWWA KEE MALIKWA

¹⁶ Beroota kee Sibrayim magaalah amma 'yaanam takke baaxo kenimi. Ta namma magaalooli elle geytintam, Damasko kee Camat doolatih cuduuduk fana. Tokkek xabba haanamaay Caxar-Hattikon deqsitta magaalah amma 'yaanam tan baaxo kenimi. Caxar-Hattikon elle geytintam, Cawran deqsita rakaakayih cuduudu.

Yacedkel 47:16 Referans Kwoze

Yacedkel 48:1

Baaxok afto geytuh migaq akak yunkuttube kedo ah teeti. Daan deqsitta kedoh yooboke mari, baaxok kilbat le qaxat raqta exxat isinni afto geelon. Too baaxoy keenih tantacawwu waytahiyya ah teeti. Cetlon deqsita magaalak xabba haanamaay Camat deqsita daabay gitah gacaanahiyyaay, tokkeek kaadu, Hadar-Qeenon deqsita aracay Damasko kee Hamat doolatih cuduudul geytimahiyyah amma 'yaanam tan baaxok, Daan deqsitta kedoh cuduuduh raaqele. Oson geyan exxa, baaxok ayrô-mawqak xabba haanamaay ayrô-culmah amma 'yaanam tan exxak tan.

2 Samuwel 8:8

Kalah kaadu, Hadad-Qeder abbah elle suge namma magaalay Betac kee Berootay deqsittahiyyak mango nacaas bee.

Zakariyya 9:2

Cammat deqsita rasuy cuduuduh Cadrak deqsita rasut raaqahiyya kaadu digaaleyyo. Tonnah kaadu Suur kee Sayda deqsitta magaala kee teetil yan maray kaxxa kas lehiyya digaaleyyo.

Qaamus 6:14

Takkay immay YALLAY Nabaamak Naba Dagelta kinnihiyya isih iyyamaa, ‹Israayil ummatey, baaxo qeebit siinik yabbixeeni'gidih, marin marak qaduwwi siinit ruubeyyo. Too qaduwwi, Camat deqsita daabay gitah gacaanahiyyak xabba haanamaay Qarabâ-dora deqsitta'kkeh amma 'yaanam fan, baaxo xabba siinik heenih siinit xukkutelon› iyya» 'yaanam iyye.

Yacedkel 47:17

Tonna-leemiik kilbat le kabut raaqa cuduud Maditraaniyah badak xabba haanamaay Caxar-Qeenan deqsitta magaalah amma 'yaanam fan yakke. Damasko kee Camat too cuduuduk kilbat le kabut geytimta. Kilbat le kabut raaqa cuduud tonna.

1 Aydaad 18:5

Dabaaqah Damaskol yen Suuriyah mari, Malik Hadad-Qeder catoh qaskar ruubeeniih; Dawud qeebil labaatanna kee namma alfi takke qaskar keenik qide.

1 Malikwa 8:65

Qibaadâ-Qaril Suleeman kee inkih tan ummatta Iraawô-Dabih-Qiid deqsita qiidih YALLAY ni Dagelta kinni aynabukuuy africuk malcina ayro qiidih asen. Too qiidih gaaboowe mari kaxxam manguk yeneeh; Camat deqsitta daabak xabba haanamaay Masri cuduudul yan daqaarah amma 'yaanam baaxok inkih mango mari woo qiidih yemeete.

Yasaqya 10:9

Kalnu kee Karkamis magaalah marak carbil eyseh. Tonnah kaadu Camat kee Arfad magaalah marak carbil eyseh. Samaariya kee Damaskoh magaalah marak kaadu eyseh.

Yacedkel 27:18

Damaskoh mari kaadu badaaqat duyyet koh milaaguh (libaakih), Celbon rasul yooboke qinab caxah xaylok bicsen kamri kee, Saahar deqsita rasuk baahen illih xagor koh edde acayuk sugen.

Yacedkel 47:18

«Ayrô mawqa le kabu raaqa cuduud akak ugtam, kilbat qaxat raqta exxay Damasko kee Cawran fanal geytintahiyya. Toh kaadu, Ordon weeqaytuy ayrô culmak Israayil rasu kee ayrô mawqak Gilqad rasih fanal geytinta exxat raaqahiyya. Tokkeek, Tamaari deqsita aracay Rabe badih xaqul geytimahiyya gufa.

Yacedkel 47:20

«Ayrô culma le kabut raaqa cuduud Maditraaniyah bad kinni. Kilbat le kabuk Camat deqsita daabay gitah gacaanahiyyak foocat yan arac fan yakke.