Yacedkel 46:11 - NABUWWA KEE MALIKWA

¹¹ Sadgat aban saaku kee qiddi saaku, kulli dahaltu kee maruw lih darok sadgatah yacoonu waanam sagla kiilo. Tonnah kaadu, qibaadah yemeete num anaqtu lih darok isih faxinnaanih gide baahaama. Darok sagla kiilo lih caxâ xaylok bicsen *zeytik sidooca litri baahoonay.

Yacedkel 46:11 Referans Kwoze

Yacedkel 46:5

Maruw lih sadgatah darok sagla kiilo baahaama. Anaaqe lih isih faxxa heeh gide baahay. Tonnah yan sadgatay daro akah baahaanahiyya aba saaku, daroy sadgatah baahahiyyak kulli sagla kiilol, caxâ xaylok bicsen *zeytik (saliidik) sidiica litri takkem lih baahaama.

Yacedkel 46:7

Dahaltu kee maruw lih darok sagla kiilo baahaama. Kulli anaqtu lih darok isih faxinnaanih gide baahaama. Darok sagla kiilo yaceen waqdi, caxâ xaylok bicsen *zeytik daro lih sidiica litri yacoonay.

Yacedkel 45:17

Usuk too waqdi cado akak carrisan saq kee sadgatah baahan daro kee qinabak bicsen kamri, alsi biloh yakke qiid kee Sabti ayroy qiidih edde asaanahiyya kee, wohuk kalah tan ayrooray ummat qiidih edde assahiyya baaham kaal tan. Dambi kalootuk aban sadgat kee, sadgatah yeceen darooy, cado akak carrisan saq kee, amaanah xintaana'gidih astah abtan sadgat inkih, abba baahaama. Ta sadgat Israayil-ummatah dambi kalootuk orbele» iyye.

Yacedkel 45:24

Kulli awur kee maruwuy sadgatah qiddeenihiyya lih, darok sagla kiilo takkem kee caxâ xaylok bicsen *zeytik (saliidik) kaadu sidiica litri takkem taceenimi.