Yacedkel 45:9 - NABUWWA KEE MALIKWA

⁹ YALLAY Mulki lehiyya iyyeemih, «Israayil abbobtiy, isin mango dambit assen. Ahaysa sinaamal baatil baahaanam kee xukkutaanam cabtaanama. Cakki kee qadlih tanim aba. Tahak wadir yi mara le baaxok ayyaaqe waytaanama. Tahat sin lih yabtam yoo YALLAY Mulki lehiyya.

Yacedkel 45:9 Referans Kwoze

Zakariyya 8:16

Tonna'mmay isin abeh meqeemiy siinil tanihiyya siinih warisu waa. Numma titta lih yaaba. Cokmi aracal amaanah sitta xiinissaana'gidih qadaalatat uckuma.

Yacedkel 44:6

Kaadu qagseh iyyeemih, «Israayil maray yabti-cina lehiyyak intaamah: abtan dambi ahaysa sin xiqah.

Ermiyaas 22:3

YALLI, ‹Cakkik tanim abaay qadaalatat taamita› siinik iyyah yan. ‹Dulmi aba mara kee edde yakke marih fan wagita. Dulmi edde yekke numih cakki aba. Allî-baaxoh maray sin addal yanil umam mabaahina. Qayxiixa kee gubuunul umam mabaahina. Dambi-maleelak qabal macaxina.

Yasaqya 1:17

Meqem abtaanam barita. Qadlih tanim aba. Sahda maskintut xukkutte kala. Qayxiixah cakki qayxiixah ixiga. Gubuunuh cato tika» siinik iyya iyye.

Miika 2:9

Yi marih agabuy isi buxa kicinuk sugehiyya le buxaaxik tayyaaqen. Ken xaylo daayiman yi maqaane akah gee wayta'nnah abtan.

Ermiyaas 6:7

«Dori leek yamagge waqdi afak akah caxa'nnah, Israayil mari aba umaane emegga 'teh caddo cabteh caddok taturteh. Aban umaane kee baatiy sinaamat abaanahiyyah anay yol rada. Lakmisa mara kee mudduume mari yoh yambulle.

Yacedkel 7:11

Caylah umaane sinaamal baaha mari baahah yan baatil yemeggeh. Sahda luk sugte gaddaliino kee qax-maqaane kee kunnabak tu ken lih maraqta.

Yacedkel 7:23

«Baaxol titta qida mari yemeggeh; magaalal umaane aba mari caddo cabelek, silsilatwa bicis.

Yacedkel 8:17

Too waqdi Yalli yok iyyeemih, «Bani-adantow, tamah table koo hinna! Yuudâ-mari tama'kkel abah yan umam-yabuli tableh tanik, ah celtam kinnii? Kulli waqdi qamalliinok aade waanaah; anu anqibinnaanim abaanam celtam kinnii? A diini-maleela gacak gactam elle aban inna maay tablee?

Qaamus 5:24

Toh cabba haay qadaalat le taamah taamita. Cakkik tanim aba. Cakki baatam hinnaay; kulli way darah gexxa leeh inna.

Miika 6:10

Umeenitow, gita maliinot geyten duyye buxaaxih addal kibuk liton. Duyye makot yan miizaanal keexxan. Toh anu niqibiyo taama.

Zakariyya 7:9

Kaak iyyeemih, «Yabtam yoo YALLAY Nabaamak Nabahiyya. Anu dumaak inni marah amri eceeh en. Keenik exceemih: ‹Qadaalatah tanim abaay, meqem tittah abaay, tittah racmata.

Qaamus 5:15

Umam inqibaay, meqem ikcina. Cokmi maroh addal, cokmi qadaalatat akah yakke'nnah aba. Tonnal YALLAY Nabaamak Naba Dagelta kinnihiyya Israayil ummatak baatik saaboh raaqe marah yamqem takkeh. Keenih racmatam takkeh.