Yacedkel 45:18 - NABUWWA KEE MALIKWA

¹⁸ YALLAY Mulki lehiyya iyyeemih, «Sanatak inikhaytoh alsak inikhaytoh ayrot, aymak tu sinni dahaltu Qibaadâ-Qari taahirroysaana'gidih sadgatah qidoonaay.

Yacedkel 45:18 Referans Kwoze

Yacedkel 43:22

Ciggilta ayro dabeelay hebeltoh ayma sinnihiyya bahha haay dambi kalootuh sadgatah qid. Naharak woo dahaltih qabalak akah abte innah, a dabeelih qabal beyya haay, sadgat elle aban mansaf a dabeelih qabalat taahirros.

Yacedkel 43:26

Tahim sittâ lakleh malcina ayroh gide abak sugetton. Tonnal dibuk yoh heen mansaf yakke'gidih taahirroyselon.

Yacedkel 43:19

Yi foocal gacca 'yeh Qibaadâ-Qarih addal yi taama abtu waytam, dagaak Leewî-kedok Saaduk deqsita numuk rade mara. Aham amrissam, yoo YALLAY Mulki lehiyya. Too saaku yekke dambih cabsuh sadgatah yeceen dahaltu, a maray Leewi yoobokehiyyal ucuy.

Yacedkel 43:23

Tohuk gaba kalla hayta waqdi, dahaltu kee maruwuy hebeltoh ayma sinnihiyya yol bah.

Yacedkel 45:20

Alsak malcinhaytoh ayro garciik cube'kal dambit asa num yenek, hinnay kaadu edde asem dambi lem kinnim aaxige'kal dambit asa num yenek, woo numih aftok dambi kaloot kaah takke'gidih toh aba. Tonnah abteenik, Qibaadâ-Qari taahir abetton.

Yacedkel 46:1

YALLAY Mulki lehiyya iyyeemih, «Adda le kabut raaqa daarat fanah akak culan afay ayrô-mawqa le kabut raqtahiyya, lica ayroy taama edde abaanahiyyat alifut sugtaama. Takkay immay Sabti-ayro kee alsi edde bila ayroy qiidih edde asaanahiyya fakkintay.

Yacedkel 43:20

Too dahaltu qidan waqdi, atu qabalak tu'baxa beyya haay woo sadgatah bicsen mansafak daga raqta gaysoosi kee, fanti exxal tan *ruknitte kee too exxa le sanal inkih hay. Tonnal dibuk yoh heen mansaf yakke'gidih dambik taahirros.