Yacedkel 43:5 - NABUWWA KEE MALIKWA

⁵ Too waqdi Yallih *Roocaaniyya ukkuqqa yoo hayteeh, adda le kabu raaqa daarat fan yoo culusse. Tokkel YALLIH nabna yaybulle nooriy inkih yan Qibaadah-Qari ifsahiyya uble.

Yacedkel 43:5 Referans Kwoze

Yacedkel 11:24

Sarrak Yallih Roocaaniyya ukkuqqa yoo hayteh, Baabeloonuy seewah yoo elle yabbixeenihiyya fanah yoo bahte. Toh, suwaawur gurrah ubleeh; Baabelon gufek wadir abaluk maraaqinniyo.

Yacedkel 8:3

Gabah innal tanim yoo fanah ruubunteeh; amô-xagor yok tibbixe. Too waqdi suwaawur gurral, Yallih Roocaaniyya qaran fanah yoo teyyeeqeeh; Yarusalaamak kilbat le kabuk yamaaten waqdi, Yallih Qibaadah-Qarik adda akak culan afa yoo bahte. Tokkel gabat bicsen duyyey yallah loonuhiyya fanah yoo bahte. Yallih naqabu bahtem, too duyyek ten.

Yacedkel 44:4

Sarrak woo num kilbat le kabut raqta afaak beyya yoo heeh, Qibaadâ-Qarih fooca fanah yoo baahe. Wagga hee waqdi, YALLIH nabna yaybulle nooriy inkih yan Qibaadah-Qarik adda ifsahiyya uble. Too waqdi gomboh baaxok bagul rade.

Yacedkel 37:1

YALLIH gaba xagaral yok gacteeh, isi Roocaaniyyat beyya yoo heeh, golok gudel daffessa yoo hee. Woo goloh addal mango lafoofi ten.

Yacedkel 40:2

Yalli isi wacyih Israayil rasu fan yoo beeh, Yarusalaam magaalal tan kaxxa qaleh amol yoo hee. Too qalek gabbi-qaxat magaalah innal xissinte qarwa uble.

Yacedkel 10:4

Tohuk lakal YALLIH nabna yaybulle ifuy kaxxa diifu lehiyya galwa leemik cabba heeh, Qibaadâ-Qarih culma fanah gexe. Qamburre inkih yan Qibaadah-Qari bulte. YALLIH nabna yaybulle ifuy diifu lehiyya Qibaadâ-Qarih daarat duuduse.

Yasaqya 6:3

Tittah seecak yeneeniih, «YALLAY Nabaamak Nabahiyya *kudduusuk yan. YALLAY Nabaamak Nabahiyya *kudduusuk yan. YALLAY Nabaamak Nabahiyya *kudduusuk yan. Kay nabna inkih tan addunya duddah» iyyen.

2 Aydaad 5:14

YALLIH nabna yaybulle noori, inkih yan qarik adda ifissa heemih sabbatah, seeka isinni taama abtuh, adda culaanam maduudinnon.

2 Malikwa 2:16

Sarrak iyyeenimii, «Cayla le kontomuy akkel yanihiyyak genxeh ku abbah yan num waginnu wayna. Yallih roocaaniyya beyya kaa hayteh qalek teenah amo akki kee, hinnay kaadu, golok teenah addal kaa qiddeh cabtam takkeh» kaak iyyen. Eliisaq, «Aleey magexina» keenik iyye.

1 Malikwa 18:12

Anu akkek gexa waqdiik, YALLIH *Roocaaniyya beyya koo hayteh, aaxige waan baaxol koo qiddek, maca abeyyo? Atu akkel tanim kaah warissa heeh akkel koo week, raba yol ackumele. Anu awkah en saakuuy a saaku fanah YALLIH qibaadat yan num kinniyo.

Yacedkel 1:28

Too ifuy urahiyya qaran-bagih calawwaytu bisu luk yeneeh; YALLIH nabna yaybulle ifuk ten. Toh eexege waqdi, gomboh baaxok bagul rade. Sarrak yabti xongolo yol radde.

Yacedkel 11:1

Yallih *Roocaaniyya baaxok ugussa yoo hayteh, ayrô-mawqa le kabut raqta YALLIH Qibaadah-Qarih culma fanah yoo bahte. Tokkel culmak xaqul labaatanna kee koona num uble. Too labaatanna kee konooyut Qaddúr-Yaadanya kee Banaayá-Falatya deqsitta abbobti yan mari edde yen.

Yacedkel 3:5

Koo akah ruubam, marin maray af akak aaxige wayta hinnay, ku marih adda.