Yacedkel 42:13 - NABUWWA KEE MALIKWA

¹³ Too num yok iyyeemih, «Tama namma qari, taahirik yan namma qari» yok iyye. «Yallih Qibaadah Qari culta seeka kaxxam taahirik tan maaqo elle yakmeenim, tama araca. YALLIH garil taahirik tan maaqok daroy-sadgatah-baahaanahiyya kee, dambi-kalootuh baahan-sadgat kee, edde-asen-qellatih-cakkih-baahan-sadgat elle haanam tokke» iyye.

Yacedkel 42:13 Referans Kwoze

Yacedkel 40:46

Kilbat le kabu fanah yafkune goli, sadgat elle aban aracat tan seeka elle taamitta goli. Seeka inkih, Leewi deqsitta kedok migaaqah Saaduk deqsitak yen numuk rade mara. YALLIH xaqul YALLIH taamat gacaanam akah oggolsintem, dibuk keeni.

Yacedkel 42:10

Qibaadâ-Qarik gabbi-qaxat too qari ceela qari yen. Too qari kaadu ayrô-culma le kabuk Qibaadâ-Qari edde yaade aracal yen qarik xeeruk mananna.

Yacedkel 40:38

Culma akak culan naharsi golik garit, xisen qari yen. Cado akak carrisan saqih cado, naharal elle kaqlisaanam tokkek ten.

Yacedkel 41:12

Qibaadâ-Qarik ayrô-culma le kabut tu elle xise ween aracak ten. Too arac edde yaade ikkel qari yen. Too qari morootom kee koona mitri xexxaarah akkuk yeneeh, bagbaggi akak soddom kee koona mitri akkuk ten. Gidaarwa kaak namma mitri kee garab masuh akkuk ten.

Yacedkel 42:1

Sarrak amittiruk suge num afa le kabu raaqa daarat fanah yoo beeh; wokkeek Yallih Qibaadah Qarik kilbat le kabut raaqa qari fanah yoo bee. Too qari Qibaadâ-Qarik ayrô-culma le kabut raaqa qarit xeeruk mananna.