Yacedkel 41:18 - NABUWWA KEE MALIKWA

¹⁸ Tohum nakli-tasaawir kee galwa-leemih tasaawirik ten. Too ceeloy galwa lehiyya kee nakli-tasaawir tiiy tii lakal haak, inkih yan qarik adda duuduseenih yenen. Galwa le ceelok kulli tii namma fooca luk yen.

Yacedkel 41:18 Referans Kwoze

1 Malikwa 7:36

Gaari amol akak tan mansafak inkih yan xagaral galwa leemih taswiir kee lubak kee nakliita taswiir heeh yen. Afal silsilat ceela taswiir heen.

Yacedkel 40:16

Woo aroocak afa le kabut raqta gidaarwa qunxa afoofî-xaylo luk ten. Tonnah kaadu adda le kabu raqta gidaarway aroocak fanal tanihiyya qunxa afoofi luk ten. Gitah akak gacan aracak foocat tan adda le kabu raqta gidaarwa, bilqah heen nakli-tasaawirih bagul luk ten.

Yacedkel 40:22

Qibaadâ-Qarih adda akak culan naharsi goli kee taagoota kee nakli-tasaawir inkih ayrô-mawqa le kabut raqta afah innah akak ten. Malcina rankok lakal mawqeena bukka inta way, woo culma fanah tamaate. Too culmak ellecabot raaqa arac daaratat af luk raaqa.

Yacedkel 10:21

Kulli tiiy affara fooca kee affara gali luk keenik yen. Kulli galih gubat sahdayti gaba celtam ten.

2 Aydaad 3:7

Adda le kabuk gidaar akak dahabat exfeenih yenen. Toh lih kaadu, amô-tabsih coox kee qari culmah ranko kee albaabitte inkih, dahabak exfeenih yenen. Gidaarak bagul galwa leemih tasaawir bileenih yenen.

Yacedkel 41:25

Woo gidaarwak bagul akah tan gurrah, Qibaadâ-Qarih afoofil kaadu nakli kee galwa leemih ceelo tasaawirih ten. Akak culan naharsi golih afak iro raqta afak daga le kabut, qunxa aracay qari afal silal qidahiyya yeneeh; too arac akak bicseenim cooxuk ten.

Yacedkel 41:20

Qari-baaxak xabba haanamaay qari afak amoh amma 'yaanam inkih tonnal ten.

Yacedkel 10:14

Kulli galwa-lem affara fooca luk ten. Naharsi fooci awur fooca ceelak yen. Nammeyhaytô fooci sahdayti fooca ceelak yen. Sidochaytô fooci lubak fooca ceelak yen. Fereyhaytô fooci qawi fooca ceelak yen.

Yacedkel 1:10

Kulli rooci-lem affara fooca leeh; woo affara foocak foociiy isi ceelo luk yen. Foocat yan fooci sahdayti ceelo luk yeneeh; migdi kabut raaqa fooci lubak ceelo luk yen. Guri kabut raaqa fooci awur ceelo luk yen. Salafti kabu raaqa fooci kaadu qawî ceelo luk yen.

2 Aydaad 3:5

Qibaadâ-Qarik kaxxa qarih bagu saagan-cooxut exfeenih yenen. Too saaganak bagu nabam qax-meqe dahabat exfeenih yenen. Too dahabak bagul mango nakliita kee silsilatwa tasaawir heenih yenen.

1 Malikwa 6:35

Too namma alifih bagul, galwa leemiiy nakliita kee qobor taswir yen. Bagul dahab exfeenih akak yenen.

Yacedkel 41:17

Too cooxuy too aroocak culmah afak amô-ginat raaqa aracah amma 'yaanamat exfeenih yanihiyya inkih, oren cooxuk bicsen taswir bilqiseenih yenen.