Yacedkel 40:39 - NABUWWA KEE MALIKWA

³⁹ Culma akak culan naharsi golih addal, affara miiziy titta fanah yafkunehiyya yen. Woo affara miizik nammayay kabul yen. Cado inkih akak carrisan saq kee, dambi-kalootuh-baahan-sadgat kee, edde-asen-qellatih-cakkih-baahan-saqa elle asguuduk yeneenim, ta miizwah bagu.

Yacedkel 40:39 Referans Kwoze

Yacedkel 46:2

Baaxoh abba afa le kabut raaqa daaratak gacca 'yeh, adda le kabut raaqa daaratih culma akak culan naharsi golik culla iyyeh, sarra culmal tan qamidwa le kabuuk solla iyyay. Too waqdi cado akak cararisan sadgat kee amaanah xiinaanamih astah baahe sadgat, sek kay aftok cararisaama. Sarrak too culmah garil dooqa abba heeh yawqeemi. Ayrô-mawqa le kabut raqta culma bari tikka 'yam fanah alfe woonay.

Malaaki 1:12

Siinih tu gactekiiy, isinni nabsih faxe waytan maaqo bahha haytaanaah, yi sadgat elle aban aracay sin intit bura lehiyyal sadgatah taceen. Qaybik qiddaanam yoo.

Malaaki 1:7

«Hay, tonnal yoo elle bursuttan inna siinih warisu waa: yoh sadgat elle abtan aracal caraamak yan sadgat abtan. «Tohuk wadir, ‹YALLAW, toh abnek, koo manni'nnal bursutna?› 'yaanam intan. Yoh sadgat elle aban aracat abtan bura, yoo assakaxxe waytaanamah orobta.

Yacedkel 44:16

Yi Qibaadah-Qari culak yoh baahan sadgat qidan mansafih taama gabat akak hayu waah, Qibaadâ-Qarih addal yi qibaadah taama akak gactu waytam, dibuk ta mara.

Yacedkel 42:13

Too num yok iyyeemih, «Tama namma qari, taahirik yan namma qari» yok iyye. «Yallih Qibaadah Qari culta seeka kaxxam taahirik tan maaqo elle yakmeenim, tama araca. YALLIH garil taahirik tan maaqok daroy-sadgatah-baahaanahiyya kee, dambi-kalootuh baahan-sadgat kee, edde-asen-qellatih-cakkih-baahan-sadgat elle haanam tokke» iyye.

Yacedkel 41:22

Tohum xexxaarah, mitri kee garab akkuk teneeh, mitri baguh akkuk ten. Woo *rukni qekuh elle yan gambi kee rakiibo inkih akak bicseenim cooxuk ten. Too num sarrak, «Aham YALLIH foocal yan miizi» yok iyye.

Yacedkel 40:42

Cado akak carrisan saq elle yasguuden miizway fereey akkuk tenehiyya akak bicseenim, orra heen xeetik ten. Woo miizwak kulli miiz fayyah mitrik garab akkuk yen. Baguh inki ibih faraaqoh gid yakke affara kaalib luk yen. Saq sadgatah qidan waqdi edde taamitta 'yan duyye inkih, woo miizih amol ten.

Yasaqya 53:10

YALLI tahak annah iyye; «A biyak kaat akah yekkem, yi fayxi kee yi raabiti. Usuk sahdah yekke fida, ummatah qafu baahele. Kaak radu waa mara ableleh; waarele, mangom sugele. Anu faxaah abam faxam, kay gabat bicseh abeyyo.

Yasaqya 53:5

Nanu bahneh sugne dambih, kaa mudeeniih, kaa tafqeenih; bahne qellat kee ni umaaneh, ugra kaat abak, kaa qiden. Kay nabsit tekke digaalah, amaan kee wagari geyne. Kay xagarat aben atkah, sahhilowneh qaffonneh nen.

Yacedkel 40:40

Too qarik iro le kabul, affara miiziy titta ceelahiyya yen. Too affara miizik nammay qari akak culan mawqeenak kabuk teenal yeneeh; aki nammay mawqeenak gersi kabul yen.

Yacedkel 40:41

Tonnal sadgatah baahan saq elle yasguuden miizwa tittat bacaar akkuk ten. Woo bacaarak fereey qari addal yeneeh, fereey kaadu afal daaratal yen.