Yacedkel 40:33 - NABUWWA KEE MALIKWA

³³ Dacayrih yan marih arooca kee, culma akak culan naharsi goli kee, adda kabut raqta gidaarwa inkih, too duma yimittire dacayri-marih arooca kee, culma akak culan naharsi goli kee, adda kabut raqta gidaarwa gide tekke. Dariifat inkih taagoota akak teneeh; addah akak culan naharsi goli kaadu dariifat taagoota luk yen. Tittat xexxaarah labaatanna kee koona mitri akkuk yen. Baguh taban kee nammay kee garab mitrik akkuk yen.

Yacedkel 40:33 Referans Kwoze

Yacedkel 40:21

Gitah akak gacan aracak gura kee migda le kabut raaqa dacayrih yan marih sidooca aracaay, woo lica aracak kulli aracat tan gidaarwa kee, Qibaadâ-Qari akak culan naharsi goli yakkeemiik inkih, ayrô-mawqa le kabut raqqa 'ta culmak kaxxih, inki gide akkuk ten. Culma xexxaarah labaatanna kee koona mitri akkuk teneeh, baguh taban kee nammay kee garab akkuk ten.

Yacedkel 40:36

Aki culma kaxxih, dacayrih yan marih aroocaay, adda le kabut raqta gidaarway bilqah heenihiyya kee, akak culan naharsi goli kee, rooruh tan taagoota luk ten. Tittat xexxaarah labaatanna kee koona mitri akkuk ten. Baguh taban kee namma mitri kee garab akkuk ten.

Yacedkel 40:25

Duma kaxxih, a culmah kabuk tan golitte taagat luk ten. Culmak afa xexxaarah labaatanna kee koona mitri akkuk ten. Baguh taban kee nammay kee garab akkuk ten.

Yacedkel 40:16

Woo aroocak afa le kabut raqta gidaarwa qunxa afoofî-xaylo luk ten. Tonnah kaadu adda le kabu raqta gidaarway aroocak fanal tanihiyya qunxa afoofi luk ten. Gitah akak gacan aracak foocat tan adda le kabu raqta gidaarwa, bilqah heen nakli-tasaawirih bagul luk ten.

Yacedkel 40:29

Dacayrih yan marih arooca kee, adda akak culan naharsi goli kee, Qibaadâ-Qarih adda le kabut raqta gidaarwa inkih, too naharak uble culmah innah ten. A culmah addal tan arooca kaadu taagoota luk ten. Ta culma xexxaarah tittat labaatanna kee koona mitrik teneeh, baguh taban kee nammay kee garab ten.

1 Malikwa 7:4

Gidaarak namma kabuk kulli kabuk inkih, caacay-culma sidiica rortah cabeenih yenen.