Yacedkel 40:26 - NABUWWA KEE MALIKWA

²⁶ Wokke mawqeenay elle yawqeenihiyyak malcina ranko tawqe. Too culmak ellecabot raaqa arac daaratat af luk raaqa. Tonnah kaadu, adda le kabut raqta gidaarwak bagul, nakliita tasaawir yen. Too gidaarwa gitah akak gacan aracat afkunuk raqta.

Yacedkel 40:26 Referans Kwoze

Yacedkel 40:22

Qibaadâ-Qarih adda akak culan naharsi goli kee taagoota kee nakli-tasaawir inkih ayrô-mawqa le kabut raqta afah innah akak ten. Malcina rankok lakal mawqeena bukka inta way, woo culma fanah tamaate. Too culmak ellecabot raaqa arac daaratat af luk raaqa.

Yacedkel 40:16

Woo aroocak afa le kabut raqta gidaarwa qunxa afoofî-xaylo luk ten. Tonnah kaadu adda le kabu raqta gidaarway aroocak fanal tanihiyya qunxa afoofi luk ten. Gitah akak gacan aracak foocat tan adda le kabu raqta gidaarwa, bilqah heen nakli-tasaawirih bagul luk ten.

Yacedkel 40:6

Tohuk gaba kalla hee waqdi, daarat akak yawqen afay ayrô-mawqa le kabut af cabtahiyya fanah gexe. Tokkek mawqeena yewqeeh; amo guffu hee waqdi, dagaak guba fanah culma takkeh gide yimittire. Sidooca mitri xexxaarah tekke.

Yacedkel 40:29

Dacayrih yan marih arooca kee, adda akak culan naharsi goli kee, Qibaadâ-Qarih adda le kabut raqta gidaarwa inkih, too naharak uble culmah innah ten. A culmah addal tan arooca kaadu taagoota luk ten. Ta culma xexxaarah tittat labaatanna kee koona mitrik teneeh, baguh taban kee nammay kee garab ten.

Yacedkel 40:31

Akak culan naharsi goli, afa le kabu raaqa daarat fan afkunuk yen. Bilqah heen nakli-tasaawir gitah akak gacan arac gexxa 'yam gidaar bagul taswiirih yen. Afa le kabu raaqa daaratak bacra rankok lakal mawqeena bukka inta way, woo culma fanah tamaate.