Yacedkel 40:15 - NABUWWA KEE MALIKWA

¹⁵ Culmak afal tan gidaarak xabba haanamaay ellecaboh arac edde raaqa ikkeh amma 'yaanam, labaatanna kee koona mitri tekke.

Yacedkel 40:15 Referans Kwoze

Yacedkel 40:14

Culmak ellecabot raaqa arac daarat fanah beyak yen. Too arac kaadu yimittire waqdi baguh tabna mitri yekke.

Yacedkel 40:16

Woo aroocak afa le kabut raqta gidaarwa qunxa afoofî-xaylo luk ten. Tonnah kaadu adda le kabu raqta gidaarway aroocak fanal tanihiyya qunxa afoofi luk ten. Gitah akak gacan aracak foocat tan adda le kabu raqta gidaarwa, bilqah heen nakli-tasaawirih bagul luk ten.

Yacedkel 40:21

Gitah akak gacan aracak gura kee migda le kabut raaqa dacayrih yan marih sidooca aracaay, woo lica aracak kulli aracat tan gidaarwa kee, Qibaadâ-Qari akak culan naharsi goli yakkeemiik inkih, ayrô-mawqa le kabut raqqa 'ta culmak kaxxih, inki gide akkuk ten. Culma xexxaarah labaatanna kee koona mitri akkuk teneeh, baguh taban kee nammay kee garab akkuk ten.

1 Aydaad 28:11

Dawud, Qibaadâ-Qari elle xisu waa gurra Suleemanah yescesse. Qibaadâ-Qari akak culan arac kee, Qibaadâ-Qarih addal duyye elle daanisoonu waan golitte kee, Kulliimik-Taahiriinoh-Yayse-Goliy dambi-cabsuh culaanahiyya elle xisu waa inna kaah yescesseeh, tohuk kalah tan golittey raqqa 'tehiyya elle xisu waa innih gurra kaah yescesse.