Yacedkel 4:14 - NABUWWA KEE MALIKWA

¹⁴ Anu too waqdi, «Aleey, YALLAW, Mulki le Dageltaw, tahamaay akke waytay bas! Anu ahaydumah annah tan nadaasat ase saaku mayyu. Qunxaaneey akke isih rabe saq kee ali qide saqih cado kinni-way okmeh maaxiga. Caraamak tanim okme saaku mayyu, yi Dageltaw» exce.

Yacedkel 4:14 Referans Kwoze

Yacedkel 20:49

Takkay immay, anu too waqdi, «YALLAW, Mulki le Dageltaw, a mari, ‹Sugay, a num kulli way addah af le yaabat ne'lih akah yaabam macaay?› yok iyyaanak, ta farmo bey yok maxcin» kaak exce.

Yacedkel 9:8

Qidimih gaba heen waqdi, anu dibuk wokkel sugeeh; too waqdi baaxok bagul gomboh radda exceh deero abe. «YALLAW, Mulki le Dageltaw, Yarusalaamah abta bagcarrat Israayil ummatak raqte saabo seltaa?» exce.

Ermiyaas 1:6

«Too waqdi anu Yallak exceemih, ‹YALLAW, Mulki le Dageltaw, anu innih qunxa num kinniyooh, elle yaaba'nna maaxiga› exce.

Yasaqya 65:4

Bar gablah addat xiinaanaah; kabaarah amol dooqa aban. Ceray cado adoobitaanaah; nadaasa leh yan marákak yaaquben; 'kak adoobitan. Inkih tan ayroy dudda le ‹Yol ama› axcuk namma gaba keenih fidseh, ‹Yol ama› exce.

Yasaqya 66:17

YALLI iyyaamah, «Isinni taahirroysak, taahiri akak iyyan bustaanih addat Yallih aftok duyye yaqbude marih ellecabo xayih. Oson keenik gudel yan num katayak, ceray-cado kee ikiqyô-cadooy, tonnah kaadu, aaminnaan maaqo yakmen. Sittat finqitelon.

Yacedkel 44:31

Isih rabeey, hinnay kaadu, ali qide yekke kimbiro kee lacti cado, seeka akme waytaama» iyye.

Yacedkel 4:15

Too waqdi YALLI yok iyyeemih, «Wonnal hay meqehik, sinam caarih aftok laahi robba bahha haay, bocoh aftok gira edde urusay, too giral gaqambo bicisay akum» yok iyye.

Daaniyel 1:8

Daaniyel, malik buxah maaqo kee maqab nadaasak yanim yeexegeeh; tohih sabbatah, malik gubal yan numuy Asfanad deqsitahiyyah a maaqo faxe waam warse.