Yacedkel 38:23 - NABUWWA KEE MALIKWA

²³ Nabna le Dageltay taahirik yanihiyya kinniyom mango baaxoh mara tonnal aybulleeyyo. Oson YALLA kinniyom tonnal yok aaxigelon» iyye.

Yacedkel 38:23 Referans Kwoze

Yacedkel 38:16

Yi Israayilih ummatat caacoy baaxok baaxo gexxah innah, elle temeete innaak qeebi abetto. Sarrah yan dabaanah, yi baaxo tabbixe'gidih, koo ruubeyyo. Toh akah abu waam, raqqa 'te baaxooxah mari yoo yaaxige'gidiiy, tonnah kaadu, kol baahu waamak gexxaamah, taahirik yan Dagelta kinniyom yok yaaxigeeni'gidi» iyye.

Yacedkel 36:23

Yi migaaqay taahirik yanihiyyay isin bayisak sugteenihiyya ummatah qaddoysu waa saaku, anu YALLA kinniyom aaxigelon. Siinih abu waamat, gersi baaxol yan mari saytun Dagelta kinniyom yok aaxigelon. Tahat yabtam yoo YALLAY Mulki lehiyya.

Yacedkel 37:28

Yi Qibaadah-Qariy way kate waahiyya tokkel hayu waa saaku, irô baaxoh ummat inkih, Israayil mara isi mara abtem yoo YALLA kinnim aaxigelon› 'yaanam iyya, keenik inxic» yok iyye.

Yacedkel 39:13

Woo baaxol enna 'ya mari woo raysa aaguqelon. Oson toh abeenimih sabbatah, yi nabna ayballayu waa ayrot, oson migaq geelon. Tahat yabtam yoo YALLAY Mulki lehiyya» iyye.

Yacedkel 39:7

Yi migaaqay taahirik yani Israayil ummatay yi ummatah tanihiyyah addal akah yamixxige'nnah abeyyo. Tahak wadir ceele-waa migaq yoh abaanam maqansiisa. Tohuk wadir gersi baaxol yan mari inkih, anu Israayil rasul taahirik yan Dagelta kinniyom yok aaxigelon.

Yacedkel 20:42

Israayil rasuy sin kaxxa abbobtih eceeyyo exceh sugehiyya fanah sin gacisu waa saaku, YALLA kinniyom yok aaxigetton.

Yacedkel 37:6

Ramoodaay cadoyta kee arab xagaral siinih gacseyyo. Rooci siinit gacissa heeh aynuwwee sin liyo. YALLA kinniyom too saaku aaxigetton› keenik inxic» iyye.

Yacedkel 39:21

Yalli iyyeemih, «Inni nabna irô baaxoh mara aybulleeyyo. Inni cokmi aybulle'gidih gaba qida saaku, yi gaba le'nna aybulleeyyo.

Yasaqya 25:3

Toh abaluk, toh aaxaguk cayla-leelah tan ummatta koo aynabele; assakaxxele. Sahdat xukkutta doolatwa elle dardarta magaala kok meysitak koo aynabele.

Yacedkel 20:41

Isin fixixih elle sugten baaxok sin eyyeqqaay titta fanah sin gacissa heek sarra, isin teceen sadgatay yoo ruffa heehiyya akah oggole'nnah, sin oggoleyyo. Sin addal abu waamat, gersi baaxol yan mari taahirik anim yok aaxigele.

Yacedkel 28:22

Keenik intaamah: YALLAY Mulki lehiyya siinik iyyaamah, ‹Saydah ummatey, anu sin naqboyta ekkeh an› keenik inxic. ‹Siinik abu waam yok yabalu waa mari yoo faylisele. Sin addal yan marat abah an digaalat taahirik anim innik ayballayu waa saaku, YALLA kinniyom yok aaxigelon.

Yacedkel 28:25

YALLAY Mulki lehiyya iyyeemih, «Israayil ummat fixixih elle abbixe baaxooxak gacseyyo. Addal keenik anu waa waqdi, woo baaxooxah mara Kudduus kinniyom aybulleeyyo. Israayil mari isi baaxoy anu yi naqasuh yan Yaqkuubuh eceehiyya fan aduurelon.