Yacedkel 37:4 - NABUWWA KEE MALIKWA

⁴ Too waqdi Yalli yok iyyeemih, «Ama lafoofiy kaftehiyyak, ‹YALLIH yab ankacisa› inxic.

Yacedkel 37:4 Referans Kwoze

Yacedkel 36:1

Yalli iyyeemih, «Bani-adantow, Israayil qaleelat takku waytaamat yab. Yoo YALLAY Mulki lehiyya ken lih yaaba yab ankacisa keenik inxic. Israayil naqboytit kaxxiinat, ‹A qaleeli niimi› 'yaanam iyyen.

Ermiyaas 22:29

Woyyow yi ummatey, woyyow yi ummatey! YALLI siinik iyyam oobbeya.

Yasaqya 26:19

«Ku marak rabtem anuwwele; ken xagaral rooci gacele. Kabri culteeh diiko nagartem anuwweeleeh, qilila abele. Kafte qayso naafi doogisaah, Yalli rabtem tonnal doogise.

Yacedkel 37:11

Too waqdi Yalli yok iyyeemih, «Bani-adantow, tama lafoofi Israayil marah ceelallo. Israayil mari, ‹Nanu lafoofih innah kafneh karacca inneh nani'kkal, tahaysa xiqnam linoh manan› 'yaanam iyyan.

1 Malikwa 13:2

Too-nabi, YALLI kaak inxica elle iyye innal, iyyemii, «Sadgat-aracaw, sadgat-aracaw, kok axcem oobbey! YALLI kok inxicca iyyem kok axcu waa. Dawuduk radu waa marak Yoosiyaahu deqsita awki aabukele. Too awki yanabu waa saaku, qibaada-elle-aban-aroocay fayyat raqtahiyyal seekâ-gurral taamita maray ku gari sadgatah qaydarus qeerisaanahiyya qideleeh, ku bagul ken carrisele. Sahdayti-lafa ku bagul carriselon» iyye.

Yasaqya 42:18

YALLI iyyemii, «Ayti allih aabbe waa maraw, ankacisa! Inti allih able waa maraw, ubula!

Miika 6:2

Qaleelaw, baaxo daffeynah elle tan rakiiboy waartahiyyay, YALLI a mari baaheemik edde yaabam oobbeya. YALLI isi marak wayto le. Israayil marak malkitele.

Yacedkel 37:9

Too waqdi Yalli yok iyyeemih, «Bani-adantow, ama caacaya lih yaabaay intaamah, YALLAY Mulki lehiyya: ‹Caacayow, kulli kabuk amay, ama xagaray tablehiyyat yanuwweeni'gidih ufuy hay, kok iyyah yan› inxic» yok iyye.

Yacedkel 37:12

Tonna'mmay Israayil marah takku waytaamat yaabaay, keenik intaamah: YALLAY Mulki lehiyya siinik iyyaamah, ‹Yi maraw, kabri siinik fakkaay eyyeqqa sin heeh, sin baaxo sin gacseyyo.