Yacedkel 37:26 - NABUWWA KEE MALIKWA

²⁶ Anu qahdi ken lih haysiteyyooh, too qahdi amaanah ken xiiniseyyoomuh digga keenih akkele. Ken xiseyyooh, ixxima keenik aymaggeyyooh; inni Qibaadah-Qariy tokkek way kate waahiyya too baaxol heeyyo.

Yacedkel 37:26 Referans Kwoze

Yasaqya 55:3

Yi ummatey anu axcem ankacisaay yi fan ama; rooci siinik waara'gidih ankacisa. Waara xagana sin lih heeyyooh, Dawuduh qahdi akah cule kacanuy digga lehiyya siinit heeyyo.

Yacedkel 34:25

Ken amo amaanah akah xinta'nnah, inni kee ken fanal xagana haysiteyyo. Ken baaxol enna 'ta alluwwa bayseyyo. Tonnal yi illi inkih meysi maleh bacarih tan baaxo kee garboh addal amaanah xiineleh dacrele» iyye.

Ermiyaas 30:19

Wokkel yan mari Yallah candu gacseleeh farcih qililiselon. Anu keenit hayu waa barkatah andarrelon; yi barkatah sahda tassakaxxe mara akkelon.

Yacedkel 43:7

Yok iyyeemih, «Bani-adantow, amah yok dardaarinni korsih araca. Anu ta'kkel Israayil mara lih aneyyo. Abbootanah innih ken amol gaceyyo. Israayil mara kee ken malikwa ahak wadir xeet kee cooxuk bicsen duyyeh qibaadat yi migaq mabaysan. Ken malikwah raysitte fayya le aroocay xeet kee coox elle yaqbudeenihiyyal aagaquk migaq yok mabaysan.

Yacedkel 36:37

YALLAY Mulki lehiyya iyyeemih, «Israayil mari ahak sarra cato yol essereleeh, too waqdi illi innah ken aymaggeyyo.

Yacedkel 16:62

Ko'lih haysite qahdi wadir aqusbuuseyyo. Too saaku abba hayte umaane koh cabeyyo. Koh tu gactek, abba hayte umaane isik aaxaguk tut mayabta. Too saaku YALLA kinniyom yok aaxigetto. Ahat yabtam yoo YALLAY Mulki lehiyya» iyye.

Ermiyaas 32:40

Hawwensime waa qahdi ken kee inni fanal heeyyo. Maqaane keenik mayseediya. Yok meysita mara ken abeyyooh, tohuk wadir darre yot macaban.

2 Samuwel 23:5

Yi buxa Yallih garil tonnah tanim yot celta. Macaay inteenik, Yalli yo'lih bica haysiteh, baye waa xagana yo'lih hee. Make waan xagana yo'lih heeh, akak kore waa qahdi yoh cule. Tonnal kulli waqdi yoo cateleeh, faxa axcem yoh abele. Yalli toh duuduselem digga le.

Zakariyya 2:5

YALLI isih, girak bicsen gasoh innah, tet dacriseleemih xagana culeeh, isi nabna luk tet addal anele› » iyye.

Yacedkel 36:10

Israayil ummatey, sin aymaggeyyooh, magaalooli fan sin gacseyyo. Tiddigille qarwa nammeyhaak xisetton.

Yacedkel 11:16

«Too mari toh iyya'mmay, atu ama seewah been marak intaamah, ‹YALLAY Mulki lehiyya siinik iyyaamah: Allî-baaxo sin rubteeh, kulli baaxol fixixih sin tabbixem, yooy; uxih dago wakti ama fixixih elle tanin baaxol, taahirik yan aracal elle suge'nnal, sin lih an› keenik inxic.

Ermiyaas 31:27

YALLI iyyeemih, «Yuuda kee Israayil baaxol ummat kee lac edde aymaggu waa ayroora amaatele.

Yasaqya 49:21

Taham taabboonu waytan waqdi, ‹Sugay ah maa saaku yoobokeeh yembe maraay? Oson iyyin xaylooy? Ni baaxok nee yiskiliqen saaku, xaylok mangom nek rabte. Tohuk wadir gubuunuh sugneeh, xaylo xalenno 'yaanam niyat mahanninok, sugay tah ankek yemeete mara?› 'yaanam axcetton.»

Yasaqya 27:6

Ahak sarra tamaate ayroora Yaqkuubuk samad daabimele. Israayilik ummat saadele; caxâ-miri baad duudusele.

Ermiyaas 31:31

«YALLI kaadu iyyeemih, «Israayil mara kee Yuudâ-mara lih qusba qahdi edde hayu waa ayroora amaatele.

Yacedkel 16:60

Yoh tu gactek, qunxuk ten saaku rihimih koh cule qahdi kol mamaka.

Yacedkel 20:37

‹Gaba nagay digga siinil heeyyooh; yo'lih hayten bica akah duudussan innah siinik abeyyo.

Yacedkel 20:40

Yi qaley taahirik tanih amol, Israayil maraw, yoo aqbudetton. Fayya le Israayil qaleh amol, Israayil mari inkih yoo aqbudelon. Too saaku sin assakooteyyooh, sadgat kee muxxo le mattaco kee taahirik tan acway gabat bahtoonu waytaanahiyya siinik oggoleyyo.

Yacedkel 36:11

Ummat kee lac aymaggeyyo. Mango xaylo xalettoonuuh, dumak amaggetton. Dumak akah sugten innah tanoonay sin axceyyo. Dumak fuli gaddaliino siinit heeyyo. YALLA kinniyom too saaku yok aaxigetton.

Yacedkel 43:9

Taway, too yok sa yaqbuden duyyey yallah loonuhiyyah aban qibaada kee isinni malikwah lafa, a aracak wonnah yok beyoonay. Tah abeenik, ken addal gaceyyooh, way keenik mabaxsima» iyye.

Xafanya 3:15

Aysa siinil tan digaala YALLI siinik kalla hee; naqboytit siinik kalla hee. YALLI sin amoyta kinni; Israayil ummat waklisa. Ahaysa akak cunxittaanam matan; sin fanat maraqta.

Yacedkel 48:35

Inkih tan magaalah gaso affara tattabak xexxaarah sagla alfih mitri akkele. Ta magaalah migaq tahak wadir ‹YALLI-akkel-yani› deqsitele» 'yaanam iyye Yalli.