Yacedkel 36:5 - NABUWWA KEE MALIKWA

⁵ «Yoo YALLAY Mulki lehiyya dariifal tan baaxooxah mara luk naqabut yaabah aniih, axcihiiy Edom lih naqabut yaaba. Yi baaxo been saaku farcatah rabakaay, iyyi maca nek abele 'yaanamah beeniih, saqi elle yaloole arooca isinnih haysiten.

Yacedkel 36:5 Referans Kwoze

Miika 7:8

Yarusalaam mari iyyeemih, «Naqboytit nel akah tirtirissam mali. Boolatneh sugne'mmay, YALLI boola nee cabsiisele. Away diteh addat nani'mmay, YALLI noori nel oobisele.

Yacedkel 36:3

«Hay tonnal takku waytaamat yaabaay, keenik intaamah: YALLAY Mulki lehiyya iyyaamah, Israayilik cuggaaneh yan mari Israayil qaleela yibbixeeh ken buube saaku, ken gabal gacteenih; too mari sin bursuteeh anqaasah af siinil raqeeqise.

Zakariyya 1:15

Ama kaxxa amaan kee wagarih xiina marah kaxxam bagcarriteh an. Keenit akah bagcarritem, anu dago gide inni marat bagcarriteh sugeeh; too saaku yi mara kaxxam biyaaken.

Yacedkel 38:19

Too saaku Israayil rasul ibak gibdi baaxoh angoyyi akkelem inni bagcarray gibdihiyyah addat aybeleeleqeyyo.

Ermiyaas 25:9

kilbatak sinam baaheyyooh, Baabelon malikiy migaaqah Nabkadnessar deqsitaah yi naqasuh yanihiyya siinit ruubeyyo. Ta mara bahha heeh, a baaxo kee a baaxol yan mara kee dariifal yan marat inkih ruubeyyo. Keenit tekkem yabalu waa mari hagga axcele. Buruten maray baaxot qideenihiyya ken abeyyo. Sarrah akak ugute waan baatih ken bayseyyo. Tahat yabtam yoo YALLA› iyye.

Xafanya 3:8

«Abletton! Ablettoonuk qambaala meqehik! Anu ummat abte umaane ummatal diggoysu waah, ken umaaneh ken digaalu waa saaki yanih. Doolatwa kee malikwa inki aracal gaabossa heeh, yi naqbi le'nna ken aybulleem faxa. Inkih tan baaxo yi naqabuh obtu wayta girat cararele.

Qobadya 1:12

Sin toobokot umam takke saaku, umaanel keenil tasuuleenim sin ceelak mananna. Keenit baati takke waqdi, tafriceenim sin ceelak mananna. Oson gadaamitan waqdi, wadir keenil horrissaanam, sin migaaqak mananna.

Ermiyaas 50:11

YALLI kaadu iyyemii, «Baabelon maraw, yi mara wararteeniih; toh siinit temqeh. Ruffu edde inten. Qaysok cayya iyyeh xobbaaqa gaalih innah xobbaqten. Canak cayye mooyuh innah kaqitten.

Ermiyaas 49:1

Qammon giddinaamak YALLI iyyem ah teeti. «Milkom deqsittam yaqbude maray Qammonuh yooboke, Israayilik Gaadah yooboke marih baaxo beyya heenih, ken magaaloolil isinnih akah gacaanam macaay? Israayil mari, is nagartu wayta xaylo maay waa?

Yacedkel 5:13

«Siinil beyah an digaalak cayya axcem fanah, siinih abeh an naqabuh bala siinil oobisak sugeyyo. Tah siinit takku wayta saaku, yooy YALLAH yani yol bahten makoh sin inqibeeh yaabem aaxigetton.

Yacedkel 36:6

«Tohih sabbatah taway Israayil baaxot takku waytaamat yaabaay, qaleela kee koomaamiiy daqor kee goloolah, yoo YALLAY Mulki lehiyya sahda keenit abte bura ubleemih sabbatah, edde an naqabu luk axcem waris.

Ermiyaas 12:14

YALLI qagseeh kaadu iyyemii, «Yi ummatay Israayilih toobokehiyyah anu-ecee-baaxo foyya-abe-marak axcem liyo. Tohuu, too mari umeynitiiy; tonna leemiik away elle yanin baaxok, caxa ragidik elle siiban innal, ken siibba heeh ruubeyyo. Yuudâ-maray oson umam elle baaheenihiyya ken gabak ayyaaqeyyo.

Zakariyya 1:14

Too malaykatti, «A farmo ummatat qid» yok iyye. «YALLAY Nabaamak Nabahiyya siinik iyyaamah: ‹Anu Yarusalaam kee Siyon qaley teetil tani afqadook kiciyyooh; teetit umam takkem yoo biyaktah.