Yacedkel 36:34 - NABUWWA KEE MALIKWA

³⁴ Duma buqre elle abak tenen baaxoh xaquk, gitah gaca mari woo buqre baatem abaluk sugen. Ahak wadir woo arooca abqurettonuuh, daro elle aysubuketton.

Yacedkel 36:34 Referans Kwoze

Yacedkel 6:14

Gaba keenil qideyyooh baaxo keenik bayseyyo. Gabbi-qaxat raqta bacarih tan baaxok xabba haanamaay Ribla deqsita aracay kilbat le kabut raaqahiyyah amma 'yaanam, abuuruh tan baaxoy num sinniih lac sinni abeyyo. Israayil mari elle yan baaxok tu macabay inkih bayseyyo. Ummat too waqdi anu YALLA kinniyom yoh aaxigelon» yok iyye.

2 Aydaad 36:21

Nabi Ermiyaas iyyem tonnal tunguddube. Too nabi ah keenit akkelem duma keenih warseh suge. Iyyeemihii, «A baaxol malcina-tabanih sanatah num dabaaqah elle magacaay, baaxo affoofele» 'yaanam iyyeh yen. Tonna leemiik abak suge ween affoofiyyi yanguddube'gidih, baaxo taamak toffoofe.

Yacedkel 36:9

Anu kaadu sin qaxat aniih, baaxol buqre abqurettoonuuh, away kaadu darqi elle aabukelem siinih diggoysa.

Yacedkel 36:33

YALLAY Mulki lehiyya iyyeemih, «Naharak sin taahirrossa heek sarra, isinni magaalah addal gacca 'teenih tiddigille qarwa akah xissittan innah siinih abeyyo.

Yacedkel 36:35

Tah yabalu waa mari, ‹A baaxoy bacari tekkeh sugtehiyya a saaku Qadan bustaan celteh tan. A magaalooliy buubba heenih bututtukku heenih abur abeenih cabeenihiyya, a saaku ummat elle gacteh taniih gasoosa maroh leh tan› axcelon.

Yacedkel 5:14

Yarusalaam abuuruh cabeyyooh; dariifal siinik tan baaxoh ummat sin garik gitah gacteh gexxa waqdi, burah af siinil raqeeqiseloonuuh; siinil maxayyoowan.