Yacedkel 36:11 - NABUWWA KEE MALIKWA

¹¹ Ummat kee lac aymaggeyyo. Mango xaylo xalettoonuuh, dumak amaggetton. Dumak akah sugten innah tanoonay sin axceyyo. Dumak fuli gaddaliino siinit heeyyo. YALLA kinniyom too saaku yok aaxigetton.

Yacedkel 36:11 Referans Kwoze

Ermiyaas 33:12

YALLAY Nabaamak Nabahiyya kaadu qagseh iyyemii, «Ta baaxoy a saaku bacari tekkeeh, num kee lac elle deedaltam tableenihiyyal, ahak sarra lac elle yaloole qayso aabukele. Wadar kee illit duwah yan mari cayiseh ken orbisele.

Miika 7:14

Ummat inteemih, «YALLAW, saqi-loynah innal, isi mara dacris. Isi maray isih doorittehiyya dacris. Nanu elle nanim garboh tan baaxo'mmay niqmatak tan baaxo dariifal nek tan. Dumî-dabaanal akah abak sugne innah, Basan kee Gilqad rasuy niqmatak yanihiyya fan genxeh caynay nee inxic.

Yacedkel 37:13

Kabri adda siinil fakkaay sin eyyeqqa heeh, sin baaxo sin gacisu waa saaku, yi maraw, YALLA kinniyom yok aaxigetton.

Ermiyaas 31:27

YALLI iyyeemih, «Yuuda kee Israayil baaxol ummat kee lac edde aymaggu waa ayroora amaatele.

Hosiqa 2:20

Siinih cule xagna siinil mamaka. Akah exce'nnah, inni mara sin abeyyo. Too saaku YALLA kinniyom yoh aaxigetton» iyye.

Yacedkel 16:55

Nammeyhaak gaddaleela akkeloonuuh; koo kee kok dariifal tan gaandoodit kaadu barkat heeyyo.

Ermiyaas 30:18

YALLI kaadu iyyeemih: «Yaqkuubuk radde kedooda le baaxo fan gacseyyo; num numuh keenih xuwaaweyyo. Yarusalaam magaala nammeyhaak xissiimele; teetil suge malik qariy yiddigillehiyya xissiimele.

Qaamus 9:15

Israayiliy yi ummatah tanihiyya dumaak ikoytah keenih ecee baaxo gacissa ken heeh, dabaaqah ken elle daabiseyyo. Tohuk wadir tokkek mayarraanaay elle anelon. Tahat yabtam yoo YALLAY sin Dageltah yani» 'yaanam iyya.

Yacedkel 36:35

Tah yabalu waa mari, ‹A baaxoy bacari tekkeh sugtehiyya a saaku Qadan bustaan celteh tan. A magaalooliy buubba heenih bututtukku heenih abur abeenih cabeenihiyya, a saaku ummat elle gacteh taniih gasoosa maroh leh tan› axcelon.

Yasaqya 30:26

Alsa ifuh ayroh innah gaceleeh, ayro kaadu ifuh malcina adda dumak lafitta axcele. Malcina ayroh ifuy yesgelleenihiyyah bis aallele. Aham takku waytam, YALLI isi mara abeh yan biyaakak edde qaffoysu waa saaku.

Yacedkel 35:9

Magaalooli siinik wadirik num elle gace waa abur abeyyo. Too saaku YALLA kinniyom yok aaxigetton.

Yacedkel 37:6

Ramoodaay cadoyta kee arab xagaral siinih gacseyyo. Rooci siinit gacissa heeh aynuwwee sin liyo. YALLA kinniyom too saaku aaxigetton› keenik inxic» iyye.

Yasaqya 51:3

Macaay inteenik, Siyon-magaalay abuuruh raqtehiyyah xuwaaweyyooh, niqmatak tan baaxo abeyyo. Bacari tekkeh sugte baaxo, Qadanal anu innih uysubuke bustaanih innah, gacele. Too waqdi ummat ruffu axceleeh africele. Yoo fayliseloonuuh, candu yoh gacselon.

Yacedkel 37:26

Anu qahdi ken lih haysiteyyooh, too qahdi amaanah ken xiiniseyyoomuh digga keenih akkele. Ken xiseyyooh, ixxima keenik aymaggeyyooh; inni Qibaadah-Qariy tokkek way kate waahiyya too baaxol heeyyo.

Zakariyya 10:8

Inni ummatah seeceyyooh, tittal ken gacseyyo. Umaanek ken cateyyo. Mangah duma akkuk sugeenih gideh ken abeyyo.

Ermiyaas 23:3

«Inni maray baatik saaboh raaqehiyya away fixixih elle abbixe baaxok gacseyyooh, elle yooboken baaxo fan ken gacseyyo. Ken gacsek lakal, isinni baaxol mango xaylo xaleloonuuh andarrelon.

Ermiyaas 23:4

Amo keenik meqe'nnah wagittu wayta abbobti keenih heeyyo. Yi mari ahaysa cunxoh marabaay, ‹Maca net akkeleh?› did m'iyyaanaay, fixixih magexan. Ahat yabtam yoo YALLA» 'yaanam iyye.

Hosiqa 2:1

Tonna kinnuk Israayilih yooboke maray sin toobokoh yanik, Yallih maray Yalli akah racmata, inxic>> 'yaanam yok iyye.

Qaamus 9:11

YALLI iyyamaa, «Dawud dardaarinnay yiddigille qarih innah yiddigillehiyya edde xisu waa wakti amaatele. Gaso akak xiseyyo. Abur wadir akak aqusbuuseyyo. Duma akah suge'nnah gacseyyo.

Zakariyya 2:8

YALLAY Nabaamak Nabahiyya iyyaamah: «Sin xaga mari intik-baxa yok xagem deqsita» iyya. Tonna leemiik nabna geek lakal sin buubak sugte doolatwa fan yoo ruube.