Yacedkel 34:23 - NABUWWA KEE MALIKWA

²³ Malik Dawuduy yi naqasuh yanihiyyah innah yan loynaytu keenih heeyyo. Too loynayti ken dacrisele.

Yacedkel 34:23 Referans Kwoze

Ermiyaas 30:9

Yoo YALLAY ken Dagelta kinnihiyya kee, Dawuduk rade numuy anu malik abu waahiyyah taamat gacelon.

Hosiqa 3:5

Tohuk lakal Israayil mari YALLAY ken Dagelta kinni kee ken malikih yen Dawuduk rade amoytih fan edde yaduuroonu waan wakti amaatele. Too saaku YALLIH meysi xagarat keenik gaceleeh; YALLIH maqaane geelon» iyye.

Yasaqya 40:11

Illit dacayrih yan loyni, isi illi elle dacrisa'nnal, YALLI isi mara dacrisa. Illi-xaylo gabal quukah, aliilit xabba haah beya. Xale illi xuwaw luk beya» 'yaanam axcuk keenih waris.

Zakariyya 13:7

YALLAY Nabaamak Nabahiyya iyyeemih, «Seefow, ama illi loynay yoh taamitahiyyat rad. Seefow, kaa qid; illi fixixele. Qunxa illit qeebi abeyyo.

Yasaqya 11:1

Yiisak rade maray malikwâ-nasab le, yirgiqen caxah buxuxih bis aallele. Takkay immay woo yirgiqen caxah buxuxuy saaboh raaqehiyya saadeleh, caxah-ramiidak luddi awqele. Yiisak rade marak qusba malik tonnal awqele.

Ermiyaas 3:15

Tokkel yi yab yaabbu waa mara abbobtih siinik heeyyo. Abbobtih siinik hayu waam, qakli le maraay; too mari kasat sin xiinisele.

Ermiyaas 30:21

Keenih yooboke mara, abbobtih keenik abeyyo. Saqalah ken marih num keenih heeyyo. Too num innil xayyooseyyooh; yol xayyoowele. Anu innih xayyoose wee num yol xayyoowu mayalliila. Tonna leemiik isin yi mara akkettoonuuh, anu amo siinik wagita Dagelta siinih akkeyyo. Tahat yabtam yoo YALLA» 'yaanam iyye.

Ermiyaas 33:14

YALLI iyyemii, «Israayil kee Yuudâ marah, niqmatat ken xiiniseyyoomuh duma culeh an xagna duudusu waa ayroora amaatele.

Yacedkel 34:13

Marin baaxok ken gacseyyooh, inki aracal ken gaaboyseyyo. Wadir ken baaxo ken gacseyyo. Israayil baaxoy qaleela leeh buyyitte lehiyya ken gacseyyooh; akadah (agdah) yan arac ken beyya heeh, ken aylooleyyo.

Yacedkel 34:15

Inni illi innih dacriseyyo. Yolooleenik lakal, elle nookan arac innih keenih heeyyo. Tahat yabtam yoo YALLAY Mulki lehiyya» iyye.

Yacedkel 37:22

Israayil baaxoh qaleelal inki doolat ken abeyyo. Ken titta lih xiinisa malik aallelon. Ahak wadir namma doolat mayakkan. Ken doolat namma'kkel makurrunta.