Biblia Todo Logo
Bib sou entènèt

- Piblisite -




Yacedkel 33:27 - NABUWWA KEE MALIKWA

27 «Wohuk kalah keenik intaamah, ‹Yoo waara YALLAY Mulki lehiyya inni migaaqal xiibita'mmay, ama abuuruh tan magaaloolih addal yan mari ambaxele. Magaalak irol yan mara alluwwâ-gadda abeyyo. Qaleela kee gablah addat yombooqoreh yan mara biyak gadda abeyyo.

Gade chapit la Kopi




Yacedkel 33:27
16 Referans Kwoze  

A yab cinteenik, siinit takku waytam siinih warisu waa. Taway gexxaanam faxxan baaxol, qulul kee carbi kee dalkah ambaxettoonum siinih warsa» keenik iyye.


Israayil mari isinni adda yuble waqdi, taysem kinnim waagiseenih; keenik garab gabla kee garbo elle tani'kkeh addat yombooqoren. Raaqe garab kaadu xaluuqâ fanat culeeh, dagen arooca kee qelwah addat yombooqoren.


Koo kee ku qaskar kee, ku qaxat gacca 'teh ko'lih qeebi abta'gidih temeete qaskar ambaxeleeh; raysi siinik Israayil qaleelal raaqele. Raysa siinik haada kee alluwwâ maaqo abeyyo.


«Bani-adantow, Israayil rasuy abuuruh yanihiyyak addal yan mari iyyaamah, ‹A axxul le baaxo Abraahimiy inki numuh yenehiyyah ikoytah tontocowweeh; nanu manginooh, elle nani ikkel neh kaadu ikoytah akah antacawwe waytam mali› 'yaanam iyyan.


Yuudâ-marak isi rasul raaqeeh, sarrak Masri fan gexe maraw, too gexo baatih siinik orbelem ixiga. Nabam kee qunxam siinik Masril rabele. Qulul kee carbit ambaxetton. Yuble mari akak wariggitu waa embexih ambaxetton. Ummat ilaqtaah ces akak inta mara akketton.


Ismaaqil qide marih raysa inkih edde qidem, inki birkatak teneeh; too birkat kaxxam naba birkatak ten. Too birkat bicissem, malik Aasa deqsita malikik teneeh; akah bicsem, Baqsa deqsita malikiy Israayil amoytah yenehiyyah qeebi kaat abe saaku, woo qeebik amo edde raaqisa'gidik ten. Ismaaqil too kaxxa birkat too marih raysak kibe.


Usuk baaxo yasgayye'gidih yamaatu waa saaku, YALLA kee kay kaxxa nabnah meysih, ummat gablah addat tambooqorem kee booriimah addat tambooqorem akkele.


Illi-gasoosat xayi gablay giti qaxal tanihiyya fan yemeeteeh, daaco aba'gidih too gablah adda cule. Dawud kee Dawud mara too gablak iqiyal culteh ten.


Dawud Diif deqsitta baaxoy sinam elle dagohiyyak qaleela le kabut yombooqoreeh tokkel elle yeede. Saawul kulli way kaa gorrisak yene'mmay, Yalli kay gabal kaa mahanna.


Dawud Gat magaalak gexeeh Qadullum deqsitta gablat yombooqore. Kay tooboko kee kay buxah mari a xaagu gee waqdi, kaa fan yemeeten.


Miidiyan mari caylah Israayil marak lafitak yen. Tonna-leemiik Israayil mari qaleeli-amol gabla kee kalah tan aroocay amô-reebu let yombooqoren.


YALLAY Mulki lehiyya iyyaamah, «Yarusalaam mara kee ken midir edde baysa'gidih, inni kaxxa digaala keenil ruubeyyo. Carbiiy qululuuy alluwwa kee dalka keenit ruubeyyo.


YALLI iyyeemih, «A baaxoh bagul enna 'tam inkih bayseyyo.


Swiv nou:

Piblisite


Piblisite