Yacedkel 33:24 - NABUWWA KEE MALIKWA

²⁴ «Bani-adantow, Israayil rasuy abuuruh yanihiyyak addal yan mari iyyaamah, ‹A axxul le baaxo Abraahimiy inki numuh yenehiyyah ikoytah tontocowweeh; nanu manginooh, elle nani ikkel neh kaadu ikoytah akah antacawwe waytam mali› 'yaanam iyyan.

Yacedkel 33:24 Referans Kwoze

Yacedkel 33:27

«Wohuk kalah keenik intaamah, ‹Yoo waara YALLAY Mulki lehiyya inni migaaqal xiibita'mmay, ama abuuruh tan magaaloolih addal yan mari ambaxele. Magaalak irol yan mara alluwwâ-gadda abeyyo. Qaleela kee gablah addat yombooqoreh yan mara biyak gadda abeyyo.

Yasaqya 51:2

Sin kaxxa abba Abraahim kee Saaray akak raddeenihiyya baguh kassa haa. Abraahimih seece saaku maxalaytuh yen. Takkay immay yi barkatah xaylo xale; kaak rade mara eymeggeh.

Yacedkel 36:4

Tonna-leemiik dariifal yan mari elle anqaasaah buuben qaleelaay koomaamiiy, daqooruuy, gololwa kee abuuruh raqte aroocaay, tonnah kaadu, abur aben magaalooliy, takkeenimiik, yoo YALLAY Mulki lehiyya siinik axcem oobbeya.

Ermiyaas 40:7

Yuudâ-doolatak qaskar abbobtih yen tu yakke maray Baabelon malikil gaba acee'kal raaqehiyya yen. Too mari Baabelon malik-Nabkadnessar, Acikám-Gedalya deqsita num inkih yan Yuudâ-rasu kee seewak raqte tu-maleelak abbah hee, 'yaanam yoobben.

Ermiyaas 39:10

Takkay immay takmem sinni masaakiina mabennay elle cabe. Qinab xala coox kee buqre elle aban baaxo keenih yecee.

Miika 3:11

Magaalah abbobti, siinik guqul keenih acinnaan marah, iyyan. Seeka Yallak temeete xinto, maalu keenih acinnaan mari elle faxa innal, barsan. Nabuwwa lakqo keenih yecee marah, takku waytam warsan. Too mari inkih arraabak too waqdi, «YALLI ne'lih yan» iyyan. «YALLI ne'lih yaniih, umaaneh net takkem mali» iyyan.

Yacedkel 34:2

Bani-adantow, Israayil abbobtit takku waytam keenih waris. Keenit takku waytam keenih warisaay keenik intaamah: YALLAY Mulki lehiyya siinik iyyaamah, «Israayil-loynittey, finqi sin yibbixeh! Isinni amo wagittaanah illi amo mawagittan.

Yacedkel 11:15

«Bani-adantow, Yarusalaam mari koo kee ko'lih yan maray seewah been baaxol yanihiyyak giddinaamak iyyaanamah, ‹Seewah been mari elle yanim, allî-baaxooy; xexxaarah YALLA akak yaqbudoonu duudan baaxo hinna. Ahaysa, YALLI a baaxo ikoytah neh yeceeh yan› iyyan.

Ermiyaas 41:7

Oson Mixfâ-magaala yemeeten waqdi, Ismaaqil kee kaa'lih suge mari, a marat kaadu qeebi abeeh ken qideeh, lafa keenik birkat addat qiden.

Yacedkel 33:23

Tohuk wadir YALLIH qangara yol obteeh; yok iyyeemih:

Nacmiya 9:8

Abraahim ku garil digga le num kinnim tubleh; xagana kaa'lih haysitte. Kaak rade marah baaxo ikoytah aceettoomih xagana kaah culte. Too baaxo, Kanqaan kee Ciitaay Amoora deqsita maraay Feriida kee Yabuusaay Girgaasah yooboke marih baaxo. Inteemil digga le Dagelta kinnitooh, xagana akah cultem abteh.