Yacedkel 32:26 - NABUWWA KEE MALIKWA

²⁶ «Meesek kee Tuubal ummat kaadu, ken qaskarih kabaara maroh keenit taniih, wokkel yanin. Oson diini-maleelah sugeenih; addunyal yenen saaku sahda akak cunxitta marah sugeenimih sabbatah, edde rabeenim carbi.

Yacedkel 32:26 Referans Kwoze

Yacedkel 27:13

Giriik mara kee Tuubal kee Mesek yemeete marat kaadu tellemmô duyye kalak sugte. Too marak naqoosa kee nacaasak bicsen duyye beyya hayteh, woo duyyeh milaaguh (libaakih) tellemmô duyye keenih acayuk sugte.

Yacedkel 39:1

Yalli kaadu yok iyyeemih, «Bani-adantow, Goog abina ilaaqaay, kaat takku waytaamat yab. Kaak intaamah, ‹YALLAY Mulki lehiyya kok iyyaamah, Mesek kee Tuubal deqsitta namma kedoh abbah yan Googow, anu naqboyta kok ekkeh an.

Yacedkel 32:32

«Dumah yan saaku Masri malik a addunyal enna 'ya mari akak cunxita num abeh suge. Takkay immay kaa kee kay qaskar rabeleeh, tohuk wadir diini maleelay carbit rabtehiyya lih gacelon. Tahat yabtam YALLAY Mulki lehiyya» iyye.

Yacedkel 32:27

Dumî dabaanal agiira rabta saaku carbi silac luk ken aagaquk yeneenih, seef lacdi addal ginaadak amô-ginat haak yenen. Ta mari addunyal yen saaku sahda akak meysitta marah sugeeni'mmay, tonnal ken maaguqinnon. Ken dambih digaala ken lafal raqta.

1 Aydaad 1:5

Yaafet xaylok xalem: Goomaraay, Magooguuy, Madayaay, Yaawanaay, Tuubalaay, Mesek kee Tiiras deqsitta labhak ten.

Yasaqya 66:19

Ken fanat asta hee liyo. Garabak teena keenik wadeyyooh, yi migaaqaay yi nabna kee yi qande elle aaxige waan baaxooxay kulli kabu geytintahiyya fan ken ruubeyyo. Ken ruubu waam, Isbaaniyaay Liibiya kee Liidiyah baaxo. Liidiyah mari nagay gaysê-baxa sahdat elli haa inna yaaxige mara kinni. Wohuk kalah ken ruubu waam, Giriik kee Tuubal kee xer baaxoy baddaafal tanihiyya. Oson yi nabna ta marih addal baxxaqiselon.