7 A caxa xexxar kee naba ludwa leemih sabbatah, kaxxa qax-maqaane luk sugte. Ramid teetik baaxok ragidil tan leey ractahiyya gufe.
Kimbir akak inxicca 'yaanam ludwal akak qarwa xissitte. Alluwwa kee dubaala inkih xaylo tet gubal xalte. Baadal enna 'ya mari tet silaalal iraawite.
Yallih bustaanih addal yan kaxxa coox tet xaqam luk masuginna. Saaganto kee *subla tet gide alginaanah luk mananna. Faxe caxay Yallih bustaanal tenehiyya woo gide qaxak luk mananna.
Teetik ayyuufi nabam qaxa-muquk yeneeh, addunyâ-bagul enna 'ya mara dudda hayta caxâ-miru luk ten. Dubaala akak inxicca 'yaanam inkih woo caxah silaalol silaalitte. Kimbir tet luudittet qarwa xissite. Rooci elle haytam inkih, maaqoh tet xaylo tokme.