Yacedkel 31:16 - NABUWWA KEE MALIKWA

¹⁶ Too caxa dite le kabri oobe marat tengele saaku, is radde waqdi abteh ten xongoloh mango baaxoh mari gilite. Inkih tan Qadanal suge coox kee, leek meqe innah allaggoowak suge Lubnaan cooxuy woo boodo fanah oobehiyya, a caxah raddem yublen waqdi ruffu iyyen.

Yacedkel 31:16 Referans Kwoze

Yasaqya 14:15

toh makkinnay akeerak iqiyal rabe mara lih gacte.

Yacedkel 26:15

YALLAY Mulki lehiyya Suur magaalal yan marak iyyeemih, «Nabkadnessar mari sin yabbaxu waa saaku, baddi afal yan mari siinit yakkeh yan ricidih abtan booge kee qawna aabbeleeh, too xongolo warigga ken heele.

Yasaqya 14:8

Yinnikisse malikih rabah, saagan coox kee Lubnaan baaxol tooboke sariida ruffu 'teh, ‹Ahaysa atu rabteh ikkal, nee yargiqe mari mayan› iyyen.

Caggay 2:7

Baadal tan doolatwa asgayyeyyooh; luk sugen gadda keenik akke bahha heeyyooh; yi qari gaddaliinok kibbiimele.

Cabakkuk 2:17

Lubnaan rasul sugte garbo tirgiqeenih immay a saaku sin argiqelon. Too garbol sugte alluwwa qiddeenimih sabbatah, a saaku alluwwa sin meysiisele. Tah inkih siinit akah takku waytam, sahdat abak sugten qidim kee baadal enna 'ya mara kee baadal enna 'ta magaaloolit abak sugten dirki kee umaaneh sabbata.

Yacedkel 31:9

A caxa, yooy YALLAH yani Qadanay yi bustaan elle sugehiyyal uysubuke cooxuk, ludwa kee qaxah lafitta inte. Anu qaxa tet eymeeqe.

Yacedkel 27:28

Ku markabih maray badal gexak sugehiyya badat sute waqdi, abeenih yanin xongolot badak afal tan baaxo axaxisen.

Naacum 2:3

Nanawê-magaalat qeebi abtu wayta qaskar qasa gob haysitteh, qasa sarat sartanah yanin. Oson amot akak yanin faaris-gaariira girah innah liliq inta. Qeebih macaxwa massoysan.

Yacedkel 31:18

«Masri malikow, Qadan cooxih addak xexxar kee hayba le caxa koo maay aleltaa? Meelelta'mmay, ahak wadir atu Qadanal suge cooxuk kaxxih Gahannab oobetto. Tokkel diini maleela kee carbit rabe marat angaletto. Masri malik kee kay marat akkelem tamah teeti. Tahat yabtam yoo YALLAY Mulki lehiyya» iyye.

Yacedkel 31:14

Tahak wadir faxe caxa leek faxeh gide geytaamah, dadal kee xexxaarah too caxah innah magacta. Xexxaarah qamburre gufta caxa tahaysa mataabuka. Toh akah axcem, rabeeniih dite le kabri oobe marat yengeleeniih woo boodo fanah oobelon» iyye.

Yacedkel 26:10

Ken faroosa mangak gexxaamah, faarisih gexot tawqeh tan siisa sin buulele. Faaris-gaariira kee faras amok qeebi abta labha edde tan faariisa, tiddigille magaala cultu wayta waqdi, radah yan anayat gidaarwa engeyya axcele.

Yacedkel 14:22

Too marak dago agabu kee labhay too digaalak raqqa 'tehiyya, sin fan amaateloonuh; nagay ken cubbussan waqdi, uma mara kinnoonum keenik abletton. Too waqdi Yarusalaam marat abe digaala celta digaala kinnim elle aaxigetton.

Ermiyaas 50:46

Baabelon mara yabbaxoonu waan saaku, aboonu waan deerok gexxaamah, baaxo edde engeyya axcele. Ken weeqi mango baaxoh addal antaabbele» 'yaanam iyye.

Yacedkel 14:23

Abba heem akah abeh meqe sabab too saaku yok aaxigetton. Tahat yabtam yoo YALLAY Mulki lehiyya» iyye.

Yacedkel 31:3

Ceelalloh, Assuuriya Lubnaan-rasul tooboke caxay mango ludway silal meqehiyya leeh, xexxaarah qamburre guftahiyyah bis luk sugte.

Yacedkel 31:8

Yallih bustaanih addal yan kaxxa coox tet xaqam luk masuginna. Saaganto kee *subla tet gide alginaanah luk mananna. Faxe caxay Yallih bustaanal tenehiyya woo gide qaxak luk mananna.