Yacedkel 29:11 - NABUWWA KEE MALIKWA

¹¹ Num sinniih lac sinni abuuruh cabeyyo. Morootom sanatah lac elle wessa m'iyya; sahdayti elle mayangayya.

Yacedkel 29:11 Referans Kwoze

Yacedkel 32:13

Mango lee elle aninnaan ikkel sugu waa laa siinik asguudelon. Lee darraqoosa mara kee laa maraaqa.

Daaniyel 9:2

Usuk edde reede naharsi sanatat, anu taahirik tan kitooba akrayuk, Yarusalaam abuuruh edde raqtu waytaamay YALLI nabi Ermiyaas lih edde yaabeh sugehiyyah acsubuk suge. Abuuruh malcina-tabanih sanat sugtu waytam uble.

Yacedkel 36:28

Sin kaxxa abbobtih ecee baaxol nooketton. Yi mara akkettoonuuh; sin Dagelta akkeyyo.

Yacedkel 33:28

Inkih yan rasu num sinniih lac sinni abur abeyyo. Oson kaxxam edde akkaluk sugen qande keenik bayseyyo. Ken qaleela dibuh yan aracay sahdayti gitah gace waa abeyyo.

Yacedkel 31:12

Racmatta sinni maray allî baaxok yemeete tet irgiqqa heeh elle tet qideh cabe. Luud akak baaxoh addal tan qaleelah amo kee goloola kee daqaral radeh. Baadal tan ummattay woo caxah gubal silaalitak sugte wokke cabteh gexxe.

Ermiyaas 29:10

« ‹Tonna'mmay Baabelon doolatah looweh an malcina-tabanih sanat guffa haa saaku, siinih looweh an maqaane siinih abeyyo. Toh macaay inteenik, siinik akah exce innah, inni qahdiy siinih cule duuduseyyooh, sin baaxo sin gacseyyo.

Yasaqya 23:17

Woo malcina-tabanih sanatak lakal, YALLI Suur-magaalah-mari abak yen tellemmo abitay ken axcele. Addunyâ-bagul tan doolatwah isi nabsi kirah aceele.

Yasaqya 23:15

Away edde yaabeh suge daban yakku waa waqdi, Suur malcina-tabanih sanat hawwentimele. Malcina-taban, malik qumrih sugah gide. Too malcina-tabanih sanatak lakal, Suuruh xiiqareh-xiinah abak yenen gad teetih abelon.

2 Aydaad 36:21

Nabi Ermiyaas iyyem tonnal tunguddube. Too nabi ah keenit akkelem duma keenih warseh suge. Iyyeemihii, «A baaxol malcina-tabanih sanatah num dabaaqah elle magacaay, baaxo affoofele» 'yaanam iyyeh yen. Tonna leemiik abak suge ween affoofiyyi yanguddube'gidih, baaxo taamak toffoofe.

Yasaqya 34:10

Too gira bar kee laqoh habug axceleeh, daayiman qeerele. Adok adoh amma 'yaanam, tokkel dabaaqah num magaca; too gitak num magexa.

Ermiyaas 9:10

Too waqdi anu exceemih, «Qaleelah rookitah an. Niqmatak ten baaxoy lacah muquk tenehiyyat gira ruuben. Too baaxoh weeqah an. Woo baaxo a saaku kafteeh sahda magexxa. Safarah woo gita gaca mari mayana. Laahi anay a saaku elle mayantaabba; kimbir kee dubaali akak yeerreh» 'yaanam exce.

Ermiyaas 46:19

Masri maraw, seewah sin beeloonu'mmay gexoh bical gaca. Moof magaala abuuruh raaqele; num kee lac elle deedala abur akkele.