Yacedkel 28:13 - NABUWWA KEE MALIKWA

¹³ Qadan bustaanay Yalli isim abehiyyah addal sugte. Qax amqinnaan luul qax koo yeymeeqe. Qisi kee anxaxinan kee kuclinan kee walqin bisu le bila xagaral le sartanat sugte. Dahabak bicsen duyye bilqah xagaral luk ten. Koo bicsen saaku, too duyye koh yeceen.

Yacedkel 28:13 Referans Kwoze

Yacedkel 28:15

Uma taamat asse ayrok dumal, akkey ubukku 'tem caalat kok cooca luk masuginna.

Yacedkel 27:16

Suuriyah mari kaadu tellemmo ko'lih abak sugeeh; atu lito mango tellemmô-duyye kok xaamak sugen. Too duyyet milaaguh (libaakih), anxaxin unxux kee diimin saraay, dilwa le sara kee *baftak bicsen xagar meqe sarooy, baddi arul geytima uwway gacro deqsitahiyya kee, qasa unxux koh edde milaagak sugen.

Yasaqya 51:3

Macaay inteenik, Siyon-magaalay abuuruh raqtehiyyah xuwaaweyyooh, niqmatak tan baaxo abeyyo. Bacari tekkeh sugte baaxo, Qadanal anu innih uysubuke bustaanih innah, gacele. Too waqdi ummat ruffu axceleeh africele. Yoo fayliseloonuuh, candu yoh gacselon.

Yacedkel 36:35

Tah yabalu waa mari, ‹A baaxoy bacari tekkeh sugtehiyya a saaku Qadan bustaan celteh tan. A magaalooliy buubba heenih bututtukku heenih abur abeenih cabeenihiyya, a saaku ummat elle gacteh taniih gasoosa maroh leh tan› axcelon.

Yasaqya 30:32

Yalli fiiruk geerah ken yaagureemih karambo kee *kirar kanniyto yaabbeenimik maadayinnon. Tonna leemiik YALLI isih Assuuriyah-maral-yuckume-digaalat ken digaale le.

Yasaqya 23:16

«Hawweenen xiiqareh-xiinaytoy *kirar gabat haay, aagaruk magaalat meekit. Kirar uguraay gad ab. Tonnal koo kassitelon» teetik axcelon.

Yasaqya 14:11

‹Luk sugte nabna gaba kalteh; ku massakaxxah kirar aagaruk sugeeni'mmay, a saaku ah kooy akeera gexe mara lih tan. Bagul akak tanim xaariyaay; xagaral kok luultem, baaxô-xaariya› kaak axcelon.

Yacedkel 27:22

Saba kee Raqmak yemeete badaaqat-aba-mari kaadu, ko'lih badaaqat abak yenen. Atu tellemmoh keenit kalta duyyet milaaguh, giffa 'ya caxâ-sifa kee limok mangoomuh yan xeet kee dahab koh edde acayuk sugen.

Yacedkel 26:13

Suur mari abak yen gad kee gadah yaaguren duyye haysitta heenih luk sugen kaalayta gaba kalele.

Yacedkel 21:30

Seef le sibah gacisa. Elle tooboken baaxol siinil ackumeyyo.

Ayyuqel 2:3

Ta qanayti, cafit gexxa gira kafin caxa elle selta innal, baaxol tanim sela. Foocat keenik tan baaxo Qadan bustaanih inna le. Salafat keenik raqta baaxo, caxa elle aabuke wayte bakarroyta celta. Tu matasillima.

Yasaqya 24:8

*Kirar kee karambo aagaruk afracuk abak yenen gad gaba kaleh.

Yacedkel 28:14

Dacrisa malaykattuy kaxxa galwa le koo abe. Yallih qaley saytunihiyyal dabqah ten. Habug iyya xeetik gudel gexam-gexak sugte.