Yacedkel 27:17 - NABUWWA KEE MALIKWA

¹⁷ Yuuda kee Israayil maray badaaqat abahiyya kaadu, kok beyan duyyet milaaguh, Minnit deqsita rakaakayak baahen kamadi kee malabaay saliid (zeyti) kee dayla koh edde acayuk sugen.

Yacedkel 27:17 Referans Kwoze

Makaabon 11:33

Qarooqerik xabba haanamaay Aabil-Karaamimih amma 'yaanam fan, Minnit deqsita rakaakayih dariifal enna 'ta baaxooxa kee, wohiital tan labaatanni magaala fan, aagaruk ken baahe. Tokkel Israayil-mari bakka ken heeh keenik yeyse.

1 Malikwa 5:9

Yi mari yirgiqen coox bad fan baahelon. Tokkel tittat tuuy rikel axaw axawah hayya heenih, baddi-amol, atu yoh ruuba axcinnaan ikke fan, koh akah gufinnaan innah, abelon. Tokkel ifdigga heenih sin maral aceelon. Ahimih gidiyih yoo kee yi marah maaqo aceetto» iyye.

Ermiyaas 8:22

Gilqad deqsita rasul dayli mayana innaa? Daylaaba wokkel ane maay wayta? Dayla aba mari yenek, yi mari dayla akah gee waam macak tan teetiiy?

Qedra 3:7

Tonna leemiik, Fursi-malikiy Kooris migaq luk yenehiyya Israayil marak «Aba» elle iyye'nnal, Lubnaan rasuk Yaffa deqsitta magaala fan *sariidâ-coox badal baahen. Sarrak too sariidah meklah darooy, qinabak bicsen kamri kee caxâ xaylok bicsen *zeyti (saliid) Suur kee Sayda deqsitta namma magaalal yen mara fan ruuben. Xisne aba mara kee xisnê-coox yaysorooroce marah cawalah lakqo yaceen.

2 Aydaad 2:10

Too taamat yoh tamsissu wayta marah qasbih, namma malyoonih kiilo takke kamadi kee, namma malyoonih kiilo takke gabru deqsitta darooy, affara boolih alfih litri yakke kamriy qinabak bicseenihiyya kee, caxâ xaylok bicsen *zeytik affara boolih alfih litri ruubeyyo» 'yaanam farmoh kaah ruube.